Oliha yaShikoto otayi tsikile mehuliloshiwike

0
30

SHIPI ELAGO

ONGWEDIVA-Nando omaudhano miitopolwa yilwe moshilongo oga nana manga ombiliki, opuna iitopolwa yilwe yi na omaudhano unene tu uudhano woSecond Division.

Oshitopolwa shaShikoto oshi li shimwe shomiitopolwa mbyoka ya kwata ondjuhwa komulungu ngele otashi ya poku tameka okatanga kokoompadhi.

Oliha yomOshikoto yo Second Division oya li ya tameke muApiilili noosipana odhili nale dha kuthako omaudhano geli gahetatu na dhimwe odha kutha ko nokuli omaudhano omulongo.

Ehuliloshiwike ndika shiti ota ka tekela mbundje muupale wa yooloka sho olweetho lwoliha ndjika talu ka galukila ishewe mondambo okuninga shanamutango kesindano.

Ngula mOlyomakaya Newcastle FC ota kay a mondambo nOmuntele Warriors pokapale kaOscar Norich Stadium omanga Oshikoto Nampol ota shi ki ikwata nOnathinge United.

Mosoondaha Oshikoto Nampol otashi ka ya mondambo nOmuntele Warriors,omanga Newcastle FC ta ka dhana nOnathinge United.
Oshivelo stadium otashi ka patululwa koGhetto United no Young United mOlyomakaya omanga mOsoondaha Ghetto United ote ki ikwata no Nine Eleven.

Oluno Stadium mOlyomakaya otalu ka patululwa kOndangwa United nOmandengu United , omanga mOsoodaha Ondangwa United ota yi ki ikwata no Young United.

Ooliha dho Second Division odha tameka miitopolwa oyindji moshilongo ka kele koshitolwa shaShana koNooli moka ina mu tu zila natango uuyelele kutya oliha otayi tameke uunake, na oonkambadhala dhokumona uuyelele kaanambelewa ya NFA mOshana odha li dha hulile muunyengwi. Omusati ogu li nale wo gwa tameke oliha ndjika gwa landula iitopolwa yilwe ngaashi //Karas nosho tuu.

Epulo oli li ne mpaka kutya oosipana ndhoka ta dhi ka sindana po oliha ndjika otadhi ka dhana peni omvula tayi ya ngele omukundu gwooliha dhopombanda inagu potokonoka.

Oshoka oshi li omukalondjigilile kutya ngele oliha ya pu omusindani naamboka taye ya pehala etiyali netitatu oyena okuya koliha ya landulako, onkene pamwe omukundu gwooliha dhopombanda otagu adhika ngaa ne gwa potokonoka sho oliha ndjika ta yi keya pehuulilo.

LEAVE A REPLY

Please enter your comment!
Please enter your name here