Omauliko giinima kaayi po

0
31

SABINA ELAGO

WINDHOEK- Omauliko guunkulungu omatihetatu guuhandimwe gaNicky Marais ngoka geli metifa poNational Art Gallery of Namibia Main Gallery ogo omape ga holoka gena enwethe mo lya za miishangomwa, oondjodhi nomoonkundathana. Omutungilo nomutholomo gwomauliko ngaka gokuli po mokwaa kala po ogwa za moonzo dha yooloka. Omathimbo gamwe Marais oha longitha omifolomo edhi kutha komathano omakulu ga thanekwa komamanya nosho wo okuza kopetro-glyphs moNamib, ngaka ota hokolola nokuholola ekwatathano pokati kaantu nuukwampungu nenge noombepo dhaamboka ya ya nale.

Onkulungu ndjika yi na oshitalendi mokupainda nokulonga nomakwatathano galwe oya ti omauliko oga guma iinima mbyoka yaapo nenge itaayi vulu okugumwa nenge yaa wetike ndele esiku kehe oyi li putse. “Iinima ngaashi ookuku yetu yonale nenge ookalunga ketu nenge omaitaalo getu gopaitaalo, omathano ngoka taga ulikwa oga guma naanaa iinima mbika.Omauliko otaga ulike wo kiilonga mbyoka itaayi vulu okugumwa nenge iidhigu okudhiladhilwa. Onkene omathano ngaka nenge ethano otali monika lyaapo,” osho Marais a fatulula.

Okwa ti omauliko gongashingeyi oga yooloka kungoka a ulikile nale molwomandhindhiliko patrona ndhoka a longitha. “Omawendo nayilwe ogo omandhindhiliko omape miilonga ye nonando iilonga ye oyindji oyi li momuhingo gwiinima iihayi vulu okugumwa. Onda longo nokumona iinima yokulongithwa momauliko ngaka. Onda painda iisikilitho yoondoloma osho wo iinima yimwe yongonga. Mbika otayi vulu okukalela po eiyuvo lyandje mwene nenge uukwambepo wandje nuukwalutu lwandje,”osho a ti.

Monakuziwa Marais okwa li a longitha omitholomo itaadhi vulu ku gumwa , mekwatathano nomalwaala ga za momutungilo gwevi Namibia, onkalathano ye nosho wo ondjokonona yopolitika yaantu ya Namibia. Omauliko ngaka otaga kala moNational Art Gallery of Namibia sigo omomasiku 17 gomwedhi tagu ya.

LEAVE A REPLY

Please enter your comment!
Please enter your name here