Omaulikogomazimo otaga tameke nena

0
61

LOIDE JASON

ONGWEDIVA-Omaulikilo gomazimo ngoka ha ga kala aluhe mOshakati moshitopolwa shaShana nonuumvo oko geli taga tameke nena.
Osha kala omukalondjigilile kutya kehe omumvo omaulikilo giipundi ngaka oko geli ihe nuumvo shoka sha yooloka osho shika kutya nuumvo ogena omasiku geli omulongo omanga shito haga kala gena omasiku gaheyali. Omupitithi guuyelele moshigwana Katrina Kamali okwa ti nuumvo oshaningilwa owina opo aalandithi mboka haya kutha ombing mwaashika ya mone ompito onene nawa okulanditha iilandithoma yawo.

Okwa ti ongomukalondjigilile nuumvo okuna aalandithe yeli ethele 180 omanga omumvo gwayi yali yeli 160, nokwa tegelelwa aalandithi yaaza moshilongo ashihe.
Aalandithi mbaka omwakwatelwa yokapana, aalandithi aashona , aalandithi yiinima yomuthigululakwalo noshowo mboka haya landitha mewangandjo.

Kamali okwa ti nuumvo okwa tegelelwa omazimo geli omulongo nagatano ngoka taga kuulika omathano ngoka gelile po omazimo gawo. Omazimo ngaka oga tegelelwa ge keende taga iyulike momapandaanda mOshakati opo nee nawa omathigathano ga ka holoke.
Nuumvo otaku ka sindanwa omakopi oshowo oshimaliwa koomuma shoka tashi ka sindanwa komazimo dhingi. Ezimo ndyoka tali ka kala ponomola yotango otali ka vena oodola omayovi geli N$ 3000, ezimo etiyali otali ka sindana, ooN$2000, omanga ezimo etitatu tali ka sindana ooN$1000.

Kombanda yaashoka oongundu adhihe dhopamuthigulwakalo ndhoka tadhi ka kuthombinga mwaashika otadhi ka sindana oshimaliwa koomuma shooN$3000 sho aniwa dha kutha ombinga mesiku ndika.
Dhimwe dhomoongundu ndhika tadhi ka kuthombinga odha za kiitopolwa ngaashi, Zambezi, Otjozondjupa, Omaheke, Omusati, Erongo, Ohangwena, Oshikoto noshowo Oshana. Kakele koongundu ndhoka tadhi ka kuthombinga aatalelipo pomauliko ngaka otaya ka nyanyudhwa kaahikingalo ya yooloka, ota ku ka kala woo ohungi noshowo ethigathano lyokakadhona dhingi momazimo.

LEAVE A REPLY

Please enter your comment!
Please enter your name here