Uudhano wuukambe oko uli koNamatanga

0
211

ONGWEDIVA–Ethigathano lyOonakana kuudhiiyela lyokOnamatanga otali ka galukila ishewe mondambo opo ku talike onkambe ndjoka ta yi ka ninga omusindani gwomumvo 2017.

Omwedhi Juni ogu shiwike nawa mOnamatanga ongomwedhi moka aantu haya mbomboloka kiitopolwa ya yooloka opo ye ya tale nkene uukambe tawu shi iningile, nomathigathano galwe ngaashi okuumba uutati nosho tuu. Ethigathano lyuukambe moNooli ayihe ohali ningilwa ashike moshitopolwa shoka shi li muuningino woshitunda Ongandjera ano Onamatanga shoka shina konyala omwaalu ogundji gwaakalimo aayelele.

John Shaanika oyei thimba yi nongodhi metotepo lyuudhano mbuka mboka hawu dhanwa moNamibia unene miitopolwa yokuushimba nOmaheke.
Uudhano mbuka otawu ka kalako lela petameko lyaJuni onkene kehe ngoka wu li omuholi guukambe Juni oku li eku etela elago oshoka oto kamona uudhano woye mboka wuhole okuzilila mpeyaka pokapale Kuku Helivi Kondombolo pOnamatanga.

Uudhano mboka hawu kwashilipalekwa koongesefa dhoKambwa Trading ohawu kala wo wuna ethigathano lyokuumba uutati nosho wo okutsa moka taku ka talika kutya ontana yanelende yi ni tayi vulu okutsa tayi endelele noku eta oshikwiila tango. Onamatanga oyi li oshinano shookilometa konyala 100 oku za mdoolopa yaKahao.

LEAVE A REPLY

Please enter your comment!
Please enter your name here