Ya Nangoloh a pula Moussongela a pangulwe moHigh Court

0
210

MARIA NAMUPALA

ONDANGWA – Ngoka eli katsoko muuthemba womuntu nokuli omukwatelikomeho gwehangano lyoNamibia Society for Human Rights (NAMRIGHTS), pethimbo ta gandja uumbangi wopapangelo momapangu ya mangestarata gwa Ondangwa omaandaha netiyali okwa ti oshipotha sha Moussongela osha pumbwa shuukithwe kompangu yopombanda. Omusita Pedro Marcellino Moussongela gomimvo 58 ota tamanekelwa iipotha ya yooloka ngaashi elandithepo lyaantu, ekwatonkonga na yilwe woo, okwa holoka mompangu lwiikando oyindji molwa omatamanekelo ngoka ta ningilwa, shika osha ningwa sho a tulamo eindilo lyobooloha ye oomwedhi dha piti.

Moussongela okwali a mangwa po muJuni omumvo gwa ziko konima sho a lopotwa ta longo iilonga inaayi ukilako moshigwana. Okuli omukwashigwana gwaKongo, noye omutotipo goskola yo Mennonite Brethren Community Private School tayi adhika mOmafo moshitopolwa shaHangwena oshowo ongeleka Evangelical Mennonite Brethren.

Pethimbo lye pwiilikino lyuumbangi wepangelo omaandaha ngoka Ya Nangoloh okwa pula ompangu kaayi gandje ompito kuMoussongela iifutilemo, molwaashoka omatamaneko ngoka a taalela omanene noga pumbwa okutalwa nawa. Shika osha ningwa konima sho Ya Nangoloh inaa vula okumanitha ehokololo lye omwedhi gwa ziko, omolwetsikilo lyepwilikino lyobooloha, mono oshikando shika oye ena oshindji okupopya.

Ta ti ngaashi elandithepo lyaantu muuyuni etamaneko enene, nomuntu ngele ota landithapo aantu nena oha talikako eli omutondi gwayo molwaashoka ota kambadhala okuyonagula po oonkalamwenyo dhaantu moshilongo. Okwa ti iipotha ya Moussongela otayi nyanyaleke, no ina pumbwa nande a pewe ompito yokwiifutilamo. “Iipotha mbyoka ya kwatelamo uuntu womuntu inayi pumbwa omageelo omashona, ashike oya pumbwa okutalwa nawa, ye omutamanekwa ta pewa egeelo lya yaga kegonga, molwaashoka ngele okwa pewa egeelo eshona eta mangululwa otashi vulika a ka tsikile nuulunga we” Ya Nangoloh a londodha.
Otaku hokololwa aanona yane (4) inaaya galukilamo natango moshilongo no taku hokololwa yeli koUnited Kingdom hoka ya tuminwa ku Moussongela mo 2015. Ya Nangoloh ta ti nonande kwa ningwa omalongekidho aanona mboka ya kale ya galukila moshilongo, oyena uutile oshoka sigo oompaka ka yeshi kutya aanona mboka oyeli monkalo yatya ngiini. Okwa hokolola kutya okwa yakula oemail kutya kamwe komuunona mboka okamona he (Moussongela), ta kwata koonkondo okanona koomvula 15 noku ningila omukiintu gumwe omahepeko gopaihulo megumbo lyawo.

Ya Nangolo ta gwedhapo kutya okanona hoka oka popi ndhoka kutya okena uutile okugalukila koshilongo.
Okwa kumagidha kutya okupa Moussongela ompito yokwiifutilamo, po puna aanona inaaya galukila moshilongo, oshafa to tula embungu moonzi, nokwa thaneke oshipotha shuundulilwe kompangu yopombanda mbala.
Shika osha ningwa komeho gomupanguli Jurina Hochobes, nomutamaneki Dollien //Gowases na Tuwilika Shailemo ngoka a kalelepo Moussongela.

LEAVE A REPLY

Please enter your comment!
Please enter your name here