Edhingoloko lyotango lyoBasketball otali hulu ongula

0
20

SHIPI ELAGO

ONGWEDIVA- Edhingoloko lyotango lyuudhano woBasketball otali ya pehulilo, ehuliloshiwike ndika, sho oliha ndjika tayi yi manga mefudho lyoomwedhi dhontumba.Nuumvo oliha ndjika oya li ya kindja noonkondo oshoka oyi na oosipana ndatu ta dhi kondjele ehala lyotango molwashoka adhihe ndhika odhina iitsa yi thike pamwe.

Oosipana ndhika Ondangwa Basketball Club, Ongwediva Basketball Club nosho wo Greenside Basketball Club adhihe kehe yimwe oyi na iitsa omulongo nongashingeyi ota dhi ningi shanamutango opo kutalike ngoka ta ka kaya mefudho oye eli pombanda yoliha yuudhano mbuka.Osipana yoGreenside oyo tayi nana etemba koliha ndjika sho yi na ookoola odhindji dhivule dhOndangwa BC nOngwediva BC. Greenside sigo oompaka okwa tula mo ookoola dhili 36, omanga Ongwediva yi na ookoola 18 Ondangwa oya tula mo ookoola 15 momaudhano agehe goshikako shotango sho nuumvo. Uudhano uunene wehuliloshiwike ndika owa tegelelwa wu ka kale pokati koGreenside ndjoka hayi yambuka kEenhana nOngwediva Basketball Club pOndangwa tennis court.

Osipana ndjoka tayi ka sindana po uudhano mbuka otayi kaya pombanda yonkwawo niitsa 2 onkene kapuna ngoka ta ka kala a hala okusindika ku mu kwawo oshoka ota ethele omeya mondunda.

Ondangwa BC nayo kombinga yimwe sho ta yi kiikwata noUNAM HP Basketbal Club, otayi ka dhana ya manamo opo nayo yi ye kombanda yoshitaafula pamwe naangoka ta ka sindana pokati kOngwediva noGreenside.Omanga uudhano wa kindja wesiku wa tegelelwa wu kakale pokati koUNAM Engineering noVeterans Basketball Club oshoka mbaka yaali shampa ya tsakanena, nena iha pu kala mwali ta tumbu mukwawo.

Uudhano mbuka owo ta wu ka kala wa hugunina wolweetho lwotango noliha ndjika oya tegelelwa yi ka tameke ishewe kuyele muAguste nuumvo.

LEAVE A REPLY

Please enter your comment!
Please enter your name here