Johannes Kaptain goVolleyball Club yEenhana VTC

0
18

SHIPI ELAGO

Oshiwike shika Kundana oteku etele Christian Johannes omudhani gwovolleyball noye Kaptain gwosipana yEenhana VTC Volleyball club. Pethimbo a yi moonkundathana naKundana omunamimvo 26 ngoka eli omunasikola moshiputudhilo shoVTC mEenhana okwa ti okwa mono ohokwe yuudhano mbuka komumwayinamati Johannes Fillemon ngoka a li a dhanene osipana ya UNAM Main Campus.

“Aluhe ngele Fillemon okwa li eya kegumbo okwa li ha kala ena etanga lyoVolley, nolwindji okwa li ha ithana ndje opo tu dhane pamwe, okwa li a pendje omilandu dhopetameko dhoku dhana uudhano mbuka sigo nda kwatwa kohokwe nonando uudhano wandje owa li okatanga kokoompadhi,”Christian ta ti. Christian ngoka e li omunasikola omukulu posikola yaShituwa Secondary School mOhangwena okwa ti osipana yawo ota yi shi enditha nawa moliha nando ya li ya tameke nuunkundi petameko lela lyoliha ndjika. Okwa ti okuna ohokwe yokudhanena osipana yopashigwana yoVolleyball opo a kwathele osipana ndjika okutsilika epandela lyaNamibia muudhano pombanda muuyuni.

Okwa ti omaudhano ota ga kwathele opo omuntu a kale ena olutu luna uudjolowele, ota wu kwathele oku eta ombepo ombwaanawa nekwathano osho wo evuliko maantu, ota ga kaleke aanyasha kokule niikolitha nosho wo elongitho nayi lyiikolitha.

Okwa ti ota longo nuudhiginini opo a tale nkene ta kwathele osipana ye moliha, ta ti ongomuwiliki gwosipana okuna okukala aluhe ta ulike omikalo omiwanawa opo aadhani ooyakwawo ya kutheko oshiholelwa oshiwaanawa.

LEAVE A REPLY

Please enter your comment!
Please enter your name here