Ofilima Katutura muuDVD

0
48

PINEHAS NAZIKO

Aaholi yoofilima nookino dha dhanwa kaaNamibia ngashingeyi oye na ompito okukala taya tala ookino ndhoka momagumb gawo. Ompito ndjika oya egululilwa ayehe molwashoka yimwe yomookino ndhoka opo dha holokele moshimpungu shoofilima yedhina Katutura oya tulwa molupe luuviidio.

Ofilima Katutura, oya dhanwa kaanyandi aaNamibia nopethimbo ndika, ndjika otayi monika muuDVD, oshilongo ashihe. Ndjika oyo onkundana ombwaanawa unene kaaNamibia mboka yakala nokupula kutya ofilima ndjika otayi tameke okulandithwa uunake.

Florian Schott, ngoka oye omuwiliki gwofilima ndjika okwa tseyitha kutya, okanyandwa haka oka ya nale momalandithilo okuza mesiku eti 31 Mai nuumvo. Katutura okwa ulikwa iikando yaadha po-55 moNamibia, miitopolwa ya yoolokathana ngaashi Ongwediva, Swakopmund nomoVenduka. Oka ulikwa ishewe kiituthi oyindji yuufeelema pondje yoshilongo ngaashi moLos Angeles, Washington DC, Toronto, Finland, Trinidad & Tobago, Cameroon, no moSouth Africa. Omwedhi tagu ya, Katutura ota ka ulikwa koshituthi shuukino shaZanzibar International Film Festival.

Katutura oyo ofilima ndjoka ishewe ya li yasindana omakopi ogendji, koshituthi shokugandja omakopi koofilima dhingi moshilongo, shoka sha li sha dhanenwa moVenduka omwedhi gwayi po NTN.

Ofilima ndjika oya etwa po komunyandi omunene moshilongo gwedhina Obed Emvula, mewiliko lya Schott.
Ofilima ndjika otayi hokolola nkene aaKatutura taya kondjo nokuhupa esiku kehe molukanda lwawo.Otayi ulike iiningwanima oyindji yelongitho lyiingangamithi, iilonga yomiyonena nelongitho lyoonkondo.

Nonando opena okwaathike pamwe kwiiwetikile moshigwana,shomolukanda ndoka, oshigwana oshina omukumo oshowo osha longo noondunge okuya komeho pomathimbo omadhigu.

Ofilima oya thanekwa ya landula uukwatya waantu yontumba mboka ya piti momaupyakadhi gonkalamwenyo yomolukanda.

LEAVE A REPLY

Please enter your comment!
Please enter your name here