Okatanga koVolleyball wa nyanyudha oyendji

0
21

SHIPI ELAGO

ONGWEDIVA-Konima sho oliha yoVolleyball ya li ya totwa miitopolwa yokoNooli, aantu ashike yomwaalu omushona ya li ha ya holoka pomaudhano ngaka ashike omwaalu gwaatali otagu ende ta gu etitha oonkondo. Olyomakaya ga zi ko okapale kaValombola oka li ku udha noonkondo sho aantu okuza koombinga ne dhoNooli yaNamibia ya li ya thindikile oosipana dhawo dhetanga lyokomake. Kundana okwa li a yi moonkundathana na gumwe gwomaatali Johanna “Jowie “ Teofilus ngoka a li a hingi okuza kEenhana opo eye a tale uudhano mbuka.

“Onda li nda tala, uudhano mbuka pethimbo wa li wa dhanenwa mEenhana iiwike ya piti nonda li nda hokwa okukala handi wu tala, na sho ndu uvu kutya owu li kOngwediva ehuliloshiwike ndika nena onda li nda tokola opo ndi ye ndi tale omaudhano ngaka,”Johanna ta ti.
Okwa ti uudhano woludhi nduka ota wu kwathele aantu ayehe opo ye ye ya nyanyukilwe pamwe nokutseyathana wo. “Otandi indile ayehe mboka inaa ya tseya uudhano mbuka opo ya kale ha ya holoka puwo oshoka oha wu endepo nawa ta ti omuntu okwa pumbwa ashike okuetelela oshipundi she nondunda yomuzile oshoka uupale owundji ka wuna omizile dha gwanena aantu ayehe,” Jowie ta tsikile.

Uudhano wehuliloshiwike lya zi ko ka wa li ta wu popilwa omutumba oshoka opwa li oosipana tadhi dhana nawa, Eenhana VTC oya li ya dhenge mo Medipark 3-0 ,Medipark okwa li ishewe a pupulwa ku Nakapele ashike eyalulo olyali li lyaathane popepi 3-2 muuwanawa waNakapele. Okwa li ashike uudhano woomeme wumwe moka Six stars a li a dhengemo Oshana Nampol 3-2.

LEAVE A REPLY

Please enter your comment!
Please enter your name here