Omunona a si sho a lyatwa ku hekulu

0
1551

LOIDE JASON

ONGWEDIVA- Opolisi moshitopolwa shaMusati oya patulula oshipotha shedhipago kaalishi lyoshiningilawina sho omuhingi gwomimvo omilongo 64 a lyata omutekulu gwe nohauto omanga a li a kothela momunzile gwomuti.

Oshiningwanima shika osha ningwa Olyomakaya ehuliloshiwike lya piti pEembwa moshikandjohogololo Ogongo moshitopolwa Omusati.
Okwa hokololwa omuhingi anuwa a hingi osheenditho e shi fale momunzile, nokwa lyata okanona koomwedhi ne eta ka sile mpoka.
Omunona nguka a lyatwa okwa adhika a lala a kotha sho oshiponga sha holoka.

“ Omuhingi ngoka, e li wo hekulu ya nakusa okwa adhika ta shunitha ohauto ye monima omanga nakusa a lala momunzile. Ine mu mona nokwemu lyata pamupya ngaaka,” osho omupopiliko gwopolisi moshitopolwa moka Warrant Lineekela Shikongo a ti.

Okwa ti ka pe na manga ngoka a kwatwa moshinima shika noshipotha osha tuminwa kombelewa yOmutamaneki ndjayi opo yi tokole ngele oshipotha shoka otashi pangulwa nenge ahawe.

Okwa ti aakwanezimo lya nakusa oya tseyithilwa nale onkundana ndjika.

LEAVE A REPLY

Please enter your comment!
Please enter your name here