Omupolisi mokakuma sho a kambadhala okwiiyambapaleka miilonga

0
1270

LOIDE JASON

ONGWEDIVA-Omukalelipo gwoveta noshowo omukalelipo gwombili negameno (omupolisi) okuli mondholongo yaLuno sho a pewa egeelo lyoomvula ndatu mondholongo.

Omupolisi nguka okwa kala ha longo mopolisi yOutapi moshitopolwa shaMusati nokwali a kwatelwa kOkalongo moshitopolwa omo tuu moka omanga a li ta taamba oshimaliwa opo iiyambapaleke.

Imanuel Natangwe ngoka a li Shisande meithano lyiilonga okwa pewa oomvula ndatu mondholongo moka yimwe ya kuthwa ko nelombwelo kutya ina uvikila oshipotha nenge oshimbuluma muule woomvula ne.

Okwa hokololwa kutya Natangwe okwa kala nokulanditha uumbapila womageelo mboka hawu gandjwa kaapolisi uuna ino iyutha koompango dhomoondjila .

Aniwa okwa kala nduno ha kutha mo uumbapila mbuka opo aantu kaa ya ye kompangu yo ya ka fute iimaliwa yomageelo gawo nenge ya ye mondholongo .

Ihe nguka okwa li a yi miipandeko sho eshi ningi omuntu eya keena iimaliwa etaka pula omupolisi gumwe emu kwathele.
Oonzo dhiinekelwa nawa kuKundana odhati kutya aniwa shika osho nee sha etitha a konaakonwe sigo ope hala mpoka ali a ka peyelwa iimaliwa mbika .

“ Omanga ashike ta taamba iimaliwa mbika ya ndhindhilikwa okuza komukwashigwana yo aapolisi oyuulukako. Naa nguka okwali ayi miipandeko ethimbo olyo tuu ndyoka,” ati ngaaka.

Ihe omupopiliko gwo polisi moshitopolwa shaMusati Warrant Lineekela Shikongo okwa koleke oshiningwanima shika ta ti omupolisi nguka okwali a kwatwa muNovemba gwayi eta holoka mompangu mOutapi momasiku geli 21 gomwedhi ogo tuu ngoka.

“Okwa li a pewa omboloha sho oshipotha she ta shi undulilwa momasiku geli 19 ga Januali 2017. Oku za mpoka osha undulilwa ishewe momasiku geli 26 April moka woo sha undulilwa momasiku 15 gaMai nuumvo. Nokonima osha undulilwa momasiku 17 ga Mai moka a pewa egeelo lye,” Shikongo ati ngaaka.

Okwa tsikileko ishewe ta ti kutya omupolisi nguka okwa li ha longele kohofa ta gamene meni lyohofa noshowo oku ungaunga niinyangadhalwa yomohofa mbyoka yi na okulongwa kaapolisi.

LEAVE A REPLY

Please enter your comment!
Please enter your name here