Ongeshefa mOshikango otai xwepopala

0
306

Komutoolinghundana

OSHIKANGO – Oukwatya womalandifilo modoolopa yaShikango ya palafana neengaba daNamibia naAngola ya tya po xwepo konima yeedula dinini.

Eshi omaxupilo a nghundipala moAngola, eengeshefa dihapu oda tameka kushongola nomatungo mahapu a li eengeshefa okwa idila.
Onkalo ye xwepopalo mongeshefa pOshikango oya kolekwa kuMayola wodoolopa yaHelao Nafidi, Eliaser Nghipangelwa.
Omanga vamwe ve wete omaxupilo ile omalandifilo itaa ende nawa natango, mayola Nghipangelwa ota ti, okudja 2016 onghalo oi shii kwiididimikilwa i dulife omido da dja ko.

Ovanangeshefa ovaChina meedula dinya ove shi endele nawa petameko, hashi dulika ta landifa eloli alishe liyadi mefiku. Ashike eshi odola yaAmerica itai longifwa vali kukeshe munhu moAngola, taku longifwa ashike eekwanza daAngola onghalo oya lunduluka.
Molwoukaume pokati komapangelo oishiindafana Namibia naAngola, ovakwashiwana vaAngola vahapu ohava landifile poutala pOshikango nokutwaalela oilandomwa keumbo ngee tava shuna.

Eshi odula ya loka nawa neudo, vahapu vomuvo otava landifa oikulya yomomapya, oilyavala, omahangu, omatama, neembidi novalandi vahapu va dja momudingonoko nokeenhele da yooloka ohave ya kulanda oipumbiwa pomatala ovaAngola pOshikango.

Nghipangelwa ota ti, paye onghalo oili xwepo ngaho, eshi eekastoma dihapu tadi ya okudja ko koDemocratic Republic yaKongo, tadi lande needola daAmerika okulanda omalapi noikutu, onghee ovaChina vahapu va ninga eemwedi inava landifa nohava di opo, paife omalandifilo avo otaa xwepopala.

Eefitola ngaashi odo di na eembapila dokulandifa kwaavo va dja pondje yoshilongo odounene da kumwa pefimbo eli eshi pehe na vali ovalandi.

LEAVE A REPLY

Please enter your comment!
Please enter your name here