Oteya i imbi Watagwana

0
134

PINEHAS NAKAZIKO

Gumwe gwomaahikingalo aakiintu aanamadhina moshilongo, Daphne Willbard, a tseyika nawa nedhina Oteya moongalo natango ote shi enditha nawa moshimpungu shika.

Shimwe sho miinima mbyoka tayi enditha nawa uuhikingalo we osho euvathano ndyoka a ningi pamwe nomwiimbi gwoongalo omuZambia ngoka a tseyika nawa nedhina Macky-2, opo ya pitithe ongalo yoAfro pop ye dhina Watagwana, yi na omulyo gwoshiZambia.

Ndjika otayi popi kombinga yohole, nokavidio kayo oka pita komapandja gointaneta, no ka tameka ishewe okuulikwa koTV Trace Africa oshiwike shika.

Watagwan ongalo ndjoka ya tengenekwa yi ka tule Oteya ponkatu yili nawa, unene tuu menenevi lyaAfrica, na ishewe momeho gaa yambidhidhdi yoongalo dhe.

Okavidio haka okathaanekelwa moVenduka, kehangano lyoOgopa Butterfly, kohi yaandyoka Oteya ha longele nenge olyo lye mu shaina.
Ngashingeyi okavidio ota ka dhana koYou Tube, hoka ha ku adhika konyala oongalo kehe, nongalo Watagwana sigo oompaka oya talwa kaantu ya adha 30 234 oku za esiku ya tulwa ko.

Okangalo haka oko oshitopolwa shoalbuma ya Oteya ontitatu, ya tengenekwa tayi ka pita nuumvo.
Oyendji oya tseya Oteya sho ali a tameke okwiimba oye awike mo 2015, moka a li a pititha oalbuma ye yotango Ethimbo. Oalbuma ndjika oya li ishewe ye mu sindanitha omakopi ogendji, mwakwatelwa ndyoka lyomongundu yomuhikingalo dhingi omukiintu moNamibia, methigathano lyomakopi gaahikingalo dhingi moNamibia.

Omvula ya zi ko Oteya okwa li a pititha oalbuma ye ontiyali yedhina Ondeya. Moalbuma ndjika omuna oongalo dha dhenga mbanda ngaashi, All or Nothing, Village Boy, na Cherry, adhihe ndhika odha thanekelwa wo uuvidio.

LEAVE A REPLY

Please enter your comment!
Please enter your name here