Uusiku waaZambezi

0
55

PINEHAS NAKAZIKO

Olweetho olutihamano lwongulohi yoshitopolwa shaZambezi (Zambezi Night) otalu dhanwa Olyomokaya ndjika poClub Chez Ntemba moVenduka.
Shika oshiindingili shimwe hashi etelele omainyanyudho ga kwata miiti, unene tuu kaakalimo yomoshitopolwa sha Zambezi, mboka haya gongala opo yi inyanyudhe.

Gumwe gwomaalongekidhi yoshiindingili shika, DJ Siya, okwa ti aaholi yoongalo otaya ka mona enyanu enene okuziilila kaahikingalo ya yoolokathana, oshoka nuumvo oya tula po omusholondondo gwaahikingalo mboka haya nyanyudha nawa kaakunawe. DJ Siya okwa gwedha po ta ti poshituthi shika ota pu ka kala omainyanyudho ogendji ngaashi okundaanisa, na ota pu ka sindanwa wo iimaliwa koomuma. Ongulohi ndjika otayi ka mona wo oongundu odhindji dhomithigululwakalo tadhi tsakanene nokutseyithwa.

Vuyo, omuhikingalo a za koKatima Mulilo, oye ta ka kala omwiimbi omunene ongulohi ndjoka poshiithanene shoka. Aayimbi yi ili no yi ili taya ka holoka nokwiimba mpoka ongaashi PDK, Promise, DJ Siya, Shanky Briz, noyendji yendji.

“Otandi hiya opo kehe gumwe ngoka ehole oongalo dho shiNamibia opo a kale a holoka. Shika kashishsi ashike oshituthi shaantu mboka ya za koshitopolwa shaZambezi, ashike osha kehe gumwe ngoka a hala eye iinyanyudhe ye a tokelwe pamwe,” DJ Siya ta ti.
Uutekete woshiindingili shika otau adhika koodola N$ 50 posheelo. Nomainyanyudho otaga tameke pohetatu yokomatango.

LEAVE A REPLY

Please enter your comment!
Please enter your name here