Young Chiefs okuna ompito moDebmarine Cup

0
21

SHIPI ELAGO

ONGWEDIVA-Osipana oyo awike ya kalela po iitopolwa yokoNooli mekopi lyaDebmarine oyi na ompito yaandjuka okuya kedhingoloko lya landula ko muudhano wekopi lyoDebmarine konima sho ya pewa osipana yoBee Bob Brothers, ndjoka ha yi dhana mooliha dhopevi okuyelekanitha noYoung Chiefs ndjoka yi li koPremier League. Mboka haya popilile oyi itaala kutya Young Chiefs oku na ko ashike ominute 90 a ye kedhingoloko lya landula ko, ashike shika otashi ka ningwa ngele oya dhenge Bee Bob Brothers.

Aatalinawa oya londodha kutya shika otaya vulu oku shi ninga, ndele oye na okutakamitha oshoka uusipana mboka uushona ohawu yono omasiku goosipana oonene oshoka oha wu kala wa hala okuulika kutya na wo ohawu dhana okatanga. Uudhano wedhingoloko lyoosipana 16 ota wu ka dhanenwa muupale poMariental noWalvis bay. KoMariental Young African ote ki ikwata na Life Fighters omanga Young Chiefs ote ki ikwata noBee Bob Brothers.

Outjo Football Academy otayi ka dhana naEastern Chiefs, omanga Civics te ki inika komakombo naYoung Beauties.
KoWalvis bay Try Again ota ka ya mokapale na Eleven Arrows,Touch& Go oku limo noRundu Chiefs, Tura Magic otaka dhana naGendev omanga UNAM ote ki ikwata na Mighty Gunners.

Opuna wo omufofodholo kutya oosipana ndhoka dha li dhi ikutha mo methigathano ndika otadhi ka futithwa omwaalu gwontumba ongegeelo sho dha taaguluka omilandu dhekopi lyoDebmarine oosipana ndhika odho nee Tigers FC ,Blue Waters, Chief Santos, African Stars,Orlando Pirates, Black Africa.

Pandokumende yoompango dhekopi ndika ndjoka yi li miikaha yaKundana, okatendo oka 7.4 ota ka ti osipana ndjoka ta yi kiikutha mo mekopi ndika nenge ya iteka mokapale momukokomoko guudhano woDebmarine otayi ka pewa egeelo lyokapandi kooN$20 000.Oonkambadhala okumona oosipana ndhika hamano odha li inaadhi pondola sha.

Edhingoloko lyoosipana 16 ota li ka dhanwa mehuliloshiwike lyomasiku 16-17 ga Juni nedhingoloko lya hugunina otali ka kalako mo 25 Novomba.

LEAVE A REPLY

Please enter your comment!
Please enter your name here