Amundjindi i indile aahingi ya longithe nawa ondjila

0
96

LOIDE JASON

ONGWEDIVA- Kansela gwoshikandjohogololo Uukwiyuushona moshitopolwa shaShana Andreas Amundjindi okwa indile aahingi yiihauto ayehe mboka taya longitha opate Oluno-Omukandu ya hinge nuukeka opo ya kaleke po ondjila ndjoka.

Okwa ningi eindilo ndika konima sho opate ndjika yongalama ya longululwa nongashingeyi oyili monkalo ombwaanawa. Okwa dhimbulutha aahingi kutya ondjila opo ya longululwa oya li ya yonuka kiiyoni oyindji ngaashi omeya oshowo nee aahingi yiiyenditho kondjila ndjoka..

Amundjindi okwa ti ondjila ndjika yimwe yomwaandhoka dha longwa tango konima ashike yemanguluko, ngashingeyi sho ya longululwa oya thikama nawa pondondo yili nawa yafa naanaa omuthika mpoka pena oopate oonkwawo dhomamanya. Kansela okwa galikana aahingi ye ende ko nawa kondjila ndjoka oshoka natango inayi pwa okulongwa nawa lela. Oku ulike aahingi mboka ye na oombapila dhokuhinga omunwe a ti oyo yamwe yomwaamboka haya hingi nuuhasha koshitawu shika.

“Opate ndjoka oya tameke ashike okulonga pehulilo lya Februali ihe ngashingeyi okwa holoka nale iiponga yili iyali, elago enene oohauto odho ashike dhe ehama omanga aantu, oya ningwa ashike uukulumuna wowala”.osho ati ngaaka . Omupiya gwoshigwana okwa tsikile ko ta ti opate otayi vulu ashike oku kala po yili monkalo ohwepo ngele aalongithi yayo otaya hingi ko nawa. Ihe ngele otayi hingwa ondapo ya pitilila pwaandjoka ya uthwa oku hingwa kopate yomamanya nena otashi eta opate oyo tuu ndjoka yi kale nenge yi shune kuuwinayi.

Okwa popi ndhika moonkundathana naKundana pangodhi oshiwike shika.
Okwa ti kopate yomamanya ina ku uthwa okuhingwa ondapo ya pita pookilometa omilongo 80 mowili, ihe aahingi otaya hingi ashike ondapo ndjoka inayi uthwa okuhinga kondjila ndjoka shoka ta ti ehanagulo lyehumo komesho ndyoka lya etelwa oshigwana kepangelo.

LEAVE A REPLY

Please enter your comment!
Please enter your name here