Amundjindi i indile uuministeli woGenda u ndungike oshigwana

0
30

LOIDE JASON

ONGWEDIVA-Kansela gwoshikandjohogololo shUukwiyuushona moshitopolwa shaShana ota indile ombelewa yUukakwashike kookantu yi tameke okundungika aakwashigwana unene shi na sha nomulandu ngoka ha gu landulwa ngele uunona mboka wuli moluhepo otawu pewa oshimaliwa.
Shika Andreas Amundjindi okwe shi popi sho a ulike eyeme lye konkalo ndjoka aalumentu oyendji haya ihumbata ngele tashi ya poku gana kutya yo ka ye na iiyemo opo aanona mboka ya mone oshimaliwa okuza kuuministeli mboka.

Amundjindi ota ti oyendji yomaalumentu mbaka oomboka kaaye li pamwe nooyina yaana yawo, ihe shika otashi monitha uunona mboka kaa wuna ondjo iihuna.

“Okanona opo eindilo lya ko lipite nena okena okukala ke na oombapila dhokugana mbali. Egano limwe olyayina nekwawo olyahe. Ihe oohe oyendji ihaya hala okugandja omagano ngaka,” osho kansela koneke.

Okwa ti opo onkalo ndjika yi shune pevi nena Oministili ndjika oya pumbwa okulonga nokundungika aakwashigwana mbaka okupitila mooradio nkene sha simana okugandja omafatululo ngaka kutya aakuluntu ayehe iha ya longo opo uunona wumone omakwatho oku za kepangelo.

Uuministeli wUukakwashike kookantu ohawu gandja omakwatho kaanona yoothigwa nosho wo mboka ye li moluhepo sho aakuluntu yawo itaa ya longo nenge kaa yena iiyemo yasha.

Ashike kansela okwa ti yamwe yoomaakiintu mboka ye na aanona oohe yaa shiwike mpoka ya gamena na yo aanona yawo oyeli monkalo ndjoka yokukala itaa ya pewa oshimaliwa oshoka oofani dhaanona odhoohe yo kaye shiwike mpoka yeli na oshidhigu aanona ya ziminwe kutya dho shili aakuluntu yawo ayehe iha ya mono iiyemo yasha.

LEAVE A REPLY

Please enter your comment!
Please enter your name here