BhuQaid Shevana a simana muuhikingalo

0
34

PINEHAS NAKAZIKO

Omwiimbi gwoongalo dhopambepo, Bhukaid Natangwe Ileni Negumbo Sheyavali, a tseyika nawa BhuQaid Shevana moshimpungu shomusiki, okwa tsikila natango okuhumitha edhina lye komeho nomusika ye yopambepo tayi hokitha. BhuQaid okwa kala ena ohokwe moongalo omanga omushona, nokwali a holokele moshimpungu shika pambelewa momumvo 2009, pethimbo a li a kwatitha ongalo ye yotango “Just give it to me” Ongalo ndjika oya kala ya hokiwa kaa yambidhidhi yoongalo moshilongo.

Naandjika oya kala noku inyenga nawa, unene kopolohalama ndjoka yoNamibia Broadcasting Corporation (NBC) Whatagwan, uule wethimbo.
Omwiimbi nguka nomunyandi e li poomvula 27, oye omulongisikola paithano no kwa kala nokutseyika nawa molwoshitalenti she nokulonga kwe nuudhiginini ngele tashi ya mokuhika oongalo. Omvula ya zi ko BhuQaid okwali a simanekitha edhina lye nongalo ndjoka yopambepo yedhina “Khumbaya”, noyali ya mono ishewe ompito ombwaanawa okudhanwa ko NBC kopolohalama yoGospel Mix.

Ohokwe ye moongalo okwe yi etelwa kokukala omulanduli nomupulakeni gwoongalo dhaahikingalo yopondje ngaashi Prokid, Lil Wayne, Wizkid naBrown Dash.

BhuQaid okwa pititha nale oalbuma ye ontiyali yedhina Subconscious Mind. Ndjika oyi na omusholondondo gwoongalo 18, muna omaimbilo ngoka taga mwenyeke ngaashi Khumbaya, AKO, Puff n Pass, I want you back naKashipu Brand Anthem, ngaka ota ga inyenge nawa kooRadio dhOshiwambo.

Omolwiilonga ye mbika tayi hokitha BhuQaid okwa hogololwa onga oye omukalelipo gwiizalomwa yaKashipu, mbyoka ya ndulukwa kuSandro Ithana, ngoka oye omukwateli komeho gwoongalo dhe. Omuhikingalo nguka omavalele yomomukunda Efidilomulunga moshikandjohogololo Ongwediva, nokwa pititha oalbuma ye yotango momomumvo 2015.

LEAVE A REPLY

Please enter your comment!
Please enter your name here