Mukwaanyoka a tindilwa obeila

0
6265

MARIA NAMUPALA

ONDANGWA – Omukokele gomimvo 63 ngoka ta tamanekelwa omahepeko gomomagumbo, okuhepeka omulume osho wo aanegumbo, nokuya ningila omatilitho okwa holoka lwotango mompangu ya mangestarata gwaNdangwa oshiwike sha yi nokwa tindilwa okwi ifutila mo mondholongo.
Veronika Amukwaya a tseyika nawa Mukwaanyoka, okwa kwatelwe po kopolisi oshiwike sha ziko, sho kwa lopotwa ta monitha omulum,entu gwe iihuna oshowo aanegumbo lye, nokuya tilitha kutya ote ya dhipaga.

Sho a holoka lwotango mompangu, okwa tseyithilwa uuthemba we, naasho a pulwa ngele okwa pumbwa omupopiliko gopaveta gopaumwene nenge gwepangelo Mukwaanyoka okwa ti ote ki ipopila ye mwene.

Hahende gwepangelo Frank Simangaliso Tjibeba, okwa tseyithile Mukwaanyoka kutya oshipotha shomahepeko gomomagumbo shimwe shomiipotha yi nyanyaleka, unene ngaashi taku hokololwa ta kuthile aantu omakatana nokuya ningila omatilitho, naanegumbo ngaashingeyi oyena uutile. Mukwaanyoka ngoka taku ti ohanu unene nomuhepeki gwaantu ina pewa ompito yokwiifutilamo, nota kala mokakuma ashike ota vulu okutulamo eindilo lyokwiibooloha mo.

Oshipotha she oshuundulilwa komasiku 24 Juli nuumvo, nomakonakono gopolisi mu shika otaga tsikile.
Okwa holoka komeho gamangestarata Jurina Hochobes, nomutamaneki Frank Simangalisho Tjibeba. Amukwaya otaku hokololwa a kala ta li omusamane gwe shipungo unene tuu sho nguka keena oshipala. Mukwaanyoka okwa kala hayi kuundunda womanwino, ye ta tokelelwa naasho teya megumbo anuwa oha tameke ta dhenge nokuhepeka omulume. Otaku hokolololwa mo 2013, a li a lumata omusamane gwe omulungu.
Okwa lopotwa onkalo yaMukwaanyoka tayi yemateke noyi lulila molwaashoka ethimbo lye oheli mana po nuundingosho, ye sho ta zi hono okwa kolwa noha tameke ta piyaganeke aanegumbo lye ayehe.

Ta hokololwa onkalo ya ka geya sho a tameke ta kuthile aanegumbo omakatana, nokuya lombwela kutya ote ya pakapo, nokuya shunitha mpoka ya zile.

Oya kala yeli muudhigu, naanegumbo oya tokola ya tseyithile opolisi oshinima shika.

LEAVE A REPLY

Please enter your comment!
Please enter your name here