NFA ota galula oliha mOshana nando pe na omalimbililo

0
39

SHIPI ELAGO
OSHAKATI- I-Ewiliko lyoliha yaShana olyi ipyakidhila noonkambadhala opo li galulile oliha yetanga lyokoompadhi moSecond Division miilonga.

Omunambelewa gwo NFA mOshana Sam Nekwaya okwa holola nkene ombelewa yawo tayi longo omutenya nuusiku opo yi galulile uudhano mbuka miilonga. Konyala opwa pita ngashingeyi omumvo gumwe sho oliha ndjika inaa yi vula okutameka omolwuupyakadhi wo kwaa na omukwashilipaleki.

Elelo lyoliha ndjika olya li li na oshigongi konima yomiyelo dha pata omasiku ngaka okukundathana nkene yena okushi enditha opo ya galulile oliha ndjika miilonga.

Ashike nando oliha ndjika oyi galukile kolutenda opu na, natango uutile kashona. Pahapu dha Sam Nekwaya ngele ooliha dhilwe oonene moshilongo inadhi tameka nena aasindani yooliha dhoSecond Division ka ye na mpoka ta ya yi. Okwa ti oosipana ndhoka hadhi sindana po ooliha dhoSecond Division miitopolwa yomoshilongo oha dhi tumwa koliha yoFirst Division opo ya ka kuthe po omahala goosipana ndatu ndhoka hadhi gu mo moliha ndjoka.

Ashike eshongo otali ka kala mpaka ngele oliha yoFirst Division inayi dhanwa nuumvo “nena owa tegelela oosipana ndhoka tadhi ka sindana opo dhi kale kaa dhina mpoka dhu uka oshoka oliha yoFirst Division oyu udha molwashoka ina mu gwa nando osipana,”Nekwaya ta yelitha. Shika otashi ti ooliha dhoSecond Division nando dhi tameke ndele kapuna ooliha oonkwawo moshilongo nena oshafa ashike osikola kaa yi na oongundu dha gwana po oshoka ngele aalongwa oya piti ongundu yimwe otaya kala yaa na mpo ta ya ka tsikila molwashoka kapena ongundu ya landulako.

Oonkambadhala okumona omunashipundi gwoNFA mOshana oku uva shoka sha tokolwa koshigongi, inadhi pondola sha pethimbo oshifo shika sha yi koshinyanyangidho.

LEAVE A REPLY

Please enter your comment!
Please enter your name here