Oalbuma yaProfit otayi piti mbala

0
21

PINEHAS NAKAZIKO

Panash Pieters, a tseyika nawa nedhina Profit (23) ngoka hi imbi oongalo dhoHip Hop noRap otaka pititha oalbuma ye yotango yedhina Fallen Angel, pehulilo lyomwedhi nguka.

Profit ngoka a putukila moKhomasdal moVenduka okuna einekelo kutya osheetwa po she shotango otashi ka kala sha dhenga mbanda nokunyanyudha oyendji. Shika okwe shi popi molwa aalanduli ye mboka ya kala noku mu yambidhidha manga a li omushona, noya kala ye hole oongalo dhe oku za petameko.

Nonando Profit a li a tameke nokwiimba manga eli mongundu ndjoka yedhina Young Damage, okwa ti omaimbilo gawo oga kala nokudhanwa olundji unene tuu kooradio yoBase Fm no koFresh FM.

Okwa li a topoka nongundu ndjoka opo a ka imbe oye awike, mewiliko lyomuhikingalo dhingi mokwiimba oongalo dhoHip-hop moshilongo, Jericho.

Oku za mpoka Profit okwa kala nokunyanyudha piituthi yoosikola dha yooloka, no piinyangadhalwa konyala oshilongo ashihe. Okwa kala ishewe nokwiimba pamwe nomuhikngalo Ras Sheehama. Omvula ya piti okwali a mono ompito ombwaanawa okuulika uunongo we poshituthi shomuhikingalo omuSouth Africa, Cassper sho Fill up the Kuisebmund, shali sha ningilwa mOmbaye.

Moalbuma ye ompe okwa longa naBertholdt, Djay, Jericho, Kanibal naDon Kamati. Okwa ti oalbuma oye mu pula ethimbo ele oku eta po oshoka okwa kala a hala a pitithe oongalo dhina oonkondo, dho odha tulwa kumwe nawa nonuukeka.

LEAVE A REPLY

Please enter your comment!
Please enter your name here