Ofamili yOvatue otayi ka pewa olukalwa

0
84

LOIDE JASON

ONGWEDIVA-Efamilia lomuhoko wOvatwe ndyoka lya kala kaa li na mpoka tali zi moshikandjohogololo shaRuacana moshitopolwa shaMusati otali ka mona olukalwa talu kalele muule wethimbo efupi.

Shika osheya puuyelele sho Kundana a yi moonkundathana nomukwatakanithi nosho wo omuhumithikomeho gwaantu mboka ya dhengwa koluhepo yo inaa ya mona eputuko Senia Ndjala.

Endjala okwa ti omalongekidho go kutula po olukalwa lwa Sackaria Shambulambali nefamilia lye ogi ipyakidhilwa na go. Ayihe oya pitikwa okulongwa shoka sha thigala ko okambapila kiiniwe oko ashike ka tegelelwa opo iilongitho yi ka landwe moostola. “Okambapila hoka oko ashike twa tegelela opo tu vule okulanda iilongitho mbyoka, oshoka ngele kakepo nena iilongitho itayi vulu okulandwa. Ihe ayihe oya pitikwa okuningwa shinasha nolukalwa ndoka,” Endjala a ti ngaaka. Endjala ngoka eli omukwatakanithi gwehumithokomeho lyaa mbaka mombelewa yomupevipresidete okwa ti ombapila yoku landitha iipumbiwa oyi li mondjila na okwa tegelelwa ashike yi thike opo aanambelewa ya lombwelwe okulongekidha ehala mpoka tapa tungwa.

Oshifo oshimwayina naKunadana shoNew Era osha kundanekele konima yomasiku kutya Shambulambali nofamilia ye oyali ya kwathelwa ehala lyopakathimbo kombelewa yoshikandjohogololo shaRuacana sho ya adhika haya lala puuyelele. Ashike ekwatho ndika olyali ashike lyoomwedhi ndatu na oyali ye li pewa pethimbo omvula yali tayi loko. Shambulambali okwa ti molwashoka omuhoko gwawo ihagu kala olule pehala limwe, shika osho she eta opo ye naanegumbo lye ya kale powala inaa pa dhikwa nando ondunda.

“Ongaashi shi li omukalondjigilile kutya tse omuhoko gwetu ohagu tembuka tembuka onda ke iyadha nangame tandi tembuka sigo ndeya muukulupe naa shika osha etitha opo ndi kale kaandina uukwashigwana woshilongo,” a ti ngaaka.

Okwa pandula aanambelewa sho haya ningi iigongi yokundungika aakwashigwana uunene mboka inaya putuka opo ye ethe po omukalo gwoku tembuka tembuka olwindji. Shambulambali oku li nomukulukadhi gwe, oyana ya hamano naatekulu yawo. Ngashingeyi onkalo yoku dhengwa kombepo oya hulapo.

LEAVE A REPLY

Please enter your comment!
Please enter your name here