Omulongiskola ta fekelwa mekwatokoonkondo lyomwana a tidilwa oboloha

0
940

MARIA NAMUPALA

ONDANGWA – Omulumentu gomimvo 46 ngoka ta tamanekelwa oshipotha shekwatonkonga lyokamwana okashona mOndangwa moshitopolwa shaShana, okwa tindilwa obeila nenge ompito yokwiifutilamo mondjedhililo Osoondaha ya yi.

Macbhoidy Luwetha ngoka a mangelwe po kopolisi muSeptemba omumvo gwa yi okwa uvu etokolo ndika lya ningwa kuMangestrata Peter Nangula ehuliloshiwike lya piti.

Luwetha okwa holoka lwiikando oyindji mompangu ya mangestrata gwaNdangwa, oku za nkene a kwatelwe muSeptemba sha landula oshiningwanima shokukwata omwana koonkondo.

Pethimbo Luwetha a mangwa po omumvo gwaziko, okwaadhika omulongiskola posikola ya Shinimwe Shiivula mOndangwa.
Otaku hokololwa a kwata koonkondo okanona ke komimvo omishona, nokuka longela omuyonena omwiinayi. Shika okwe shi ningile anuwa megumbo lye mondoolopa oyo tuu ndjoka.

Nangula pethimbo a pulakene Luwetha okwa ti molwaashoka epwilikino lyobooloha olya ninga ethimbo, niipotha ya yalwe oya ninga oyindji okwa li a pula opo Luwetha a holoke mompangu Osoondaha ya piti.

Nangula sho a gandja etokolo kombinga yeindilo lyobooloha okwa ti ndika olya adha ehulilo nomutamanekwa ita pewa ompito yokwi ifutilamo mondjedhililo.

Omatompelo ngoka inaaga petha omufekelwa ompito yokwiifutilamo oongoka kutya omakonakono nomapekapeko oga ulike kutya omufekelwa ngoka manga eli mondjedhililo okwa li a ningi eindilo lyopassporta.

Shika Nangula okwa ti otashi vulika nguka a hala ngele a mangululwa otayi kiilongo yokokule nokukala inaa monika we.
Okwa popi a ti oshipotha shomutamanekwa nguka oshiyemateka sho keena ohenda noluvalo lwe, note lu longele omuyonena gopaihulo.
Ompangu oya kwashilipaleke woo kutya oombangi dha Luwetha adhihe ohadhi zi megumbo lye mOndangwa, nohashi vulika ya ka kale ya gama kombinga ye.

Mangestrata Nangula okwa dhimbulutha omutamanekwa kutya ekwatonkonga unene lyaanona aashona olyo tali eta eyonagulo moshigwana, nolya tula oonkalamwenyo dhaanona oyendji moshiponga, molwaashoka olundji nopendji ohaya kala yeli muutile omolwa aalumentu mboka taya kwata aanona koonkondo.

Oshipotha shomutamanekwa oshu undulilwa komasiku 30 Aguste, omolwa omakonakono gomuule ga gwedhwa po, nomutamanekwa ota kala mondjedhililo sigo esiku ndyoka.

Luwetha okwa holoka lwiikando oyindji mompangu ya mangestrata gwaNdangwa, oku za nkene a kwatelwe muSeptemba sha landula oshiningwanima shokukwata omwana koonkondo. Pethimbo Luwetha a mangwa po omumvo gwaziko, okwaadhika omulongiskola posikola ya Shinime Shiivula mOndangwa. Otaku hokololwa a kwata koonkondo okanona ke komimvo omishona, nokuka longela omuyonena omwiinayi.

Shika okwe shi ningile anuwa megumbo lye mondoolopa oyo tuu ndjoka. Okwali a mangwa po esiku olyo tuu ndyoka, nokufatululilwa uuthemba we esiku lyotango a holoka mompangu, osho wo a tseyithilwa a tulemo eindilo lye lyokwiifutilamo mokakuma, ye a tale ngele ota pewa ngaa ompito ndjoka yokwiifutilamo.

LEAVE A REPLY

Please enter your comment!
Please enter your name here