Opolisi otayi kongo oombangi moshipotha shedhengo

0
505

MARIA NAMUPALA

OMUTHIYA – Opolisi mOmuthiya moshitopolwa shaShikoto otayi kongo Naftal Vatilifa gomimvo 24, na Shiihuleni Nghishikushitya. Mbaka otaya kongwa oshoka oyeli oombangi moshipotha shedhengo.

Omukwatakanithi gopolisi noshigwana Chief inspector Stefan Nuuyi okwa ti ayehe oya li aakalimo yomomukunda Onakasino mUudhengelo, notaya kongwa shina sha noku ka gandja uumbangi mompangu ya mangestrata gwaNdangwa momasiku 26 Juni nuumvo.

Nuuyi ta ti otaya kongwa shinasha nokugandja uumbangi omolwa oshipotha shokudhenga nokululumika, sha ningilwe omumvo gwa zi ko pOnakasino. Nuuyi okwa ti mbaka oyali ya dhenge nokwe ehameka gumwe gwomomukunda ngoka puundunda womanwino.

Oya li ya kwatwa po ayehe kopolisi ihe oye kiifutila mo mondjedhililo nopethimbo ndika oye li pondje yondjedhililo, noya pumbiwa ya kale ya holoka esiku lya tumbulwa metetekelo.

Opolisi otayi indile nesimaneko enene kehe ngoka eshi mpoka ta pu monika aalumentu mboka wu kale we ya tseyithila, yo ya ka gandje ehokololo lyawo kompangu.

Ngoka weya mono nenge wu shi mpoka taya monika oto indilwa wu kwatathane na Seargent Nakale ko 0813619880 nenge Detective Warrant officer, Paulus ko 0817630075.

LEAVE A REPLY

Please enter your comment!
Please enter your name here