Oshakati Totem Boxing Bonanza ye enda nawa

0
57

SHIPI ELAGO

OSHAKATI-Uudhano wongonyo woTotem Expo 2017 owa li wa thigi oyendji ye li othika ongulohi yEtitano lya zi ko pokaple kaShakati.
Uudhano mboka owa li wa longekidhwa kehangano lyoongonyo moshitopolwa Oshana kohi yewiliko lya Josua Toivo.

Omaudhano ge li 14 oga li ga nyanyudha mboka ya li ya holoka pokapale kaShakati ongulohi yEtitano sho konyala aadhengingonyo aagundjuka ya li ya ulike iitalenti yawo.

Johannes Kondjeni gwo koKilimanjaro okwa li a sindana po ekopi lyaambokisi aashona konima sho a dhenge mo Immanuel Johannes gwOshakati Boxing Club.

Omanga Sam Isack ngoka naye a za koKilimanjaro a li a toola po ekopi lyomubokisi dhingi guudhano mbuka moshiviha shaambokisi aanene nenge aakuluntu.

Johannes Trofimus okwa li a dhenge mo Nepilu Abed, ye Fabian Stefanus ta sindana muudhano wawo na Johannes David, Mushona Michael, okwa li a dhenge mo Akawa Paulus.

Shangilifa Matias sho ya tsakanene na Kleopas Junias okwa sindi omukondjithi gwe ngula, omanga Erastus Jonas kondjo nokudhenga Nakangombe Kristof.

Nghinamanu Michael okwa li a dhenge mo Iiyambo Mick, ye Antonio waMungandjo ta dhenge mo Nangolo Festus.
Nambango Andreas okwa li a dhenge mo Markus Eino, ye Mbango Fillemon ta dhenge mo Aileka Paulus.

Nghishimwene Mhoombola okwa li a dhenge mo Ludwig Emvula, nuudhano wongulohi owa li wu li pokati kaShaanika Mosiquito naMwahafa Fabian mboka wa li wa kutha oyendji kiipundi naMosquito okwa li a sindana po uudhano mbuka.

LEAVE A REPLY

Please enter your comment!
Please enter your name here