Oteya pokati kOranjemund naRosh Pinah mafiku ya pwa

0
93

TUULIKKI ABRAHAM

Oranjemund – Ondjila yee kilometa 115 pokati ka Oranjemund naRosh Pinah oyo ya tamekele okutulwa oteya konima yeedula mbali paife, oili pokumanifwa, nokwafanekwa tai ka kala yeululwa neudo.

Kansela woshikandjohoololwa sha Oranjemund, Lasarus Nangolo, okwa tumbula edi pefimbo a kufileko Kundana kombinga yeeprojeka odo velipyakidila nado moshikandjohoololwa shavo. Lasarus Nangolo, okwa tofamo etungo londjila eyi olo limwe lomomaxumo komesho oo elipyakidilwa nao moshikandjohoololwa shaOranjemund.

Nangolo okwa tumbula kutya okwa hafela oilonga oyo tai longwa komahangano oo eli pyakidila nokutula oteya kondjila oko, ta ti oilonga otailongwa nondjungu, nokwa teelelwa, opate ikale yamanifwa noku yeululwa pambelewa neudo.

Okwa tumbula yoo a ti, ovelipyakidila noku eta po oprojeka younamapya, opo va dule okuyandja oilonga kovakalimo. Okwa tumbula kutya, omeva omomulonga oo haa longifwa okutekela oikunino yomandjebele koAussenkehr, omulonga oo owaya fiyo omo Oranjemund, onghene ova eta po omafaneko kutotwe oshikunino, kukale nokulongifwa omeva omomulonga.

Omakonaakono okukonaakona edu okwa ningwa nale odula yaya, sha ningwa mekwatafano nouMinisteli wOunamapya. Nangolo okwa tumbula kutya omanyamukulo edu okwa yandja oidjemo ili nawa taa ulike kutya edu otali dulu okukunwa ngaashi omiti domaApela omandjebele naikwao.

Edu olo leli pyakidilwa nalo lidule okuningwa oprojeka younamapya, olina ounene wee hecta 6 000, novelipyakidila okutula oinima aishe peenhele, opo va dule okuninga eingido, laavo vena owino mounamapya, vaka tameke nounamapya, opo va dule okuyandja oilonga kovakalimo vomo shikandjohoololwa sha Oranjemund na Rosh Pinah.

Oprojeka younamapya ngee oyaka hovelwa, okwa teelwa tai ka yandja oilonga kovanhu vomwaalu wa konda 1 000.

Modoolopa ya Oranjemund omuna oprojeka yokulonga eefewa dokuwapaleka. Oprojeka oya totwa po kovanyasha 12 ve li manga kumwe, na Kansela Nangolo, okwa hafela oilonga oyo tava moshikandjohoololwa shaye.

Okuniwe omafaneko ku etwe ombelewa youMinisteli wOinima yomeumbo, mo Rosh Pinah, na Kansela Nangolo okwa udaneka ombelewa oyo tai ka kala ya patuluka noku yandja omayakulo kovakalimo vomo shikandjohoololwa shaye, neudo yoo.
Caption : Kansela woshikandjohoololwa sha Oranjemund na Rosh Pinah, Lasarus Nangolo

LEAVE A REPLY

Please enter your comment!
Please enter your name here