Ovashingi veemhota va yandja omaano kovakulupe moLüderitz

0
47

TUULIKKI ABRAHAM

Lüderitz – Ovashingi veemhota vehangano Lüderitz Diamond Run melongelo kumwe noSchutztruppe ovali va talele po oLüderitz Olomakaya la dja ko.

Ovashingi veemhota vafika lwopo 147 lwaapo vamwe ova dja ko South Africa, na vahapu ovadja moitopolwa ya yooloka moNamibia, ovali tava shingi eemhota davo nounyakwa momapandavanda a Lüderitz.

Oshiindingili sholudi eli oha shi ningwa konyala odula keshe, no neudo otashi ningwa oshikando oshi ti 11 lwaapo. Oshiindingili ohashikala alushe po Lüderitz Yacht Club.

Omuunganeki woshiindingili Maritza Morgan okwa tumbula kutya ovashingi veemhota elalakano lavo okuuya va shinge eemhota mo Lüderitz, ohava etelele omulongelo wovakulupe ovo veli momaumbo ovakulupe opavali modoolopa eyi.

Keshe odula ngeenge ovashingi veemhota tave uya modoolopa ohava etele ovakulupe ovo omilongelo yakola.
Neudo, Olomakaya la dja ko eshi vali modoolopa, ovashingi veemhota ovali vashinga okuya tete keumbo lovakulupe olo lili kolukanda la Nautilus. Meumbo omo omuna ovakulupe veli va hetatu, nomukulupe keshe okwa pewa omaano eli mokapakete noshimaliwa keemhuma sheeN$1000. Eumbo lovakulupe poNautilus, ovapewa yoo ofreez yakula, omo tamu kala nokupungulwa eendja davo.

Okudja kolukanda la Nautilus, eemhota oda shingwa okuya keumbo lovakulupe olo lili modoolopa muna ashike ovakulupe va vali. Ovakulupe ava navo yoo ovapewa, keshe umwe okapakete neeN$1000.

Oshimaliwa ashishe kumwe shifike pee N$12 000, osha pewa ovakulupe ovo veli momaumbo ovakulupe efiku olo.

LEAVE A REPLY

Please enter your comment!
Please enter your name here