Simey a pititha oongalo mbali

0
57

PINEHAS NAKAZIKO

Omvalele yaNayena Simon Shikongo, ngoka e shiwike nawa moongalo nedhina Simey osho a pititha oongalo dhe mbali, Elevating na Haipandula.

Omuwiimbi nguka omushona gwoongalo dhoAfro-pop, Kwaito noHouse okwa ti ye okwa pititha oongalo ndhika mbali onga ehwahwameko lyokuulika shoka tashi ka kala moalbuma ye yedhina Knuckle Down, ya tengenekwa yi ka pite kuyele nuumvo.

Simey okwa ti ye okwa tameke okwiimba manga a li omushona, menongelo lyopevi, noshali oshidhigu kuye okwi imba ye ta lesha omambo. Okwa holola ta ti ngaashingeyi ndjika oyo ompito ye ombwaanawa yoku tota omaimbilo, konima sho amana eilongo lye.

Mongalo Elevating, Simey okwa longa naLapie Tokie nongalo ndjika otayi kumagidha aagundjuka mboka yeli momagumbo ya thikame yo ya vule okukakonga oompito dhiilonga, noku ulika kutya natango ethimbo lyokukambadhala opo lili.
Omanga ongalo Haipandula, Simey ota pandula Omuwa sho a kala noku mu takamitha pamwe nofamili ye, noku mupa omukumo opo a kale ta pula komeho.

Kombinga yoalbuma ye Knuckle Down, otayi ka kala yi na oongalo dha adha pomulongo, moka ishewe tamu ka adhika oongalo ngaashi December, Let my life neEnota. “Onda longa naahikingalo oyendji ngaashi King Mex, Kamby naLapie Tokie.

Simey ngoka a pititha oongalo dhe mbali onga ehwahwameko lyoshikalimo shoondjimbo moalbuma ye ompe ndjoka ya tegelelwa omasiku ngaka.

LEAVE A REPLY

Please enter your comment!
Please enter your name here