Nyangaz otayi pula komeho

0
17

PINEHAS NAKAZIKO

Nonando ina pu pita ethimbo ele sho ongundu yaa imbi yaali yedhina Nyangaz yali ya pititha oalbuma yawo yedhina 12th Day ndjoka yali yamono ompito ombwaanawa mokuhogololwa methigathano lyaahikingalo dhingi moNamibia (NAMAs) nongalo yedhina Vamenu moKwaito, ongundu ndjika natango otayi pula komeho mokwiimba nawa.

“Ngashingeyi otwi ipyakidhila nokuthaaneka uuvidio okuza moalbuma muka, notatu ke wupititha omasiku omashona gowala twa taalela,” gumwe womongundu ndjika ta ti.

Okwa tsikileko ati otaya pandula ishewe omahangano ngoka kokutya NBC noMTC molwasho yali ya hogololwa ongo oyo aahikingalo yoKwaito okuziilila mOshakati, monooli yoshilongo. Ngashingeyi ongundu ndjika Nyangaz otayi ilongekidhile opoloyeka yawo ontiyali, moka ya tokola okulonga naahikingalo ngaashi Buju Katjoko, Christmas, Ndawana, Menette , Newturn na Chicco Dee Bok. Oalbuma yawo oya tengenekwa yi ka kale ya pita nuumvo, no tayi kakala yi na oongalo oombwaanawa. Nyangaz oya tokola okulonga yamana mo, opo yi tule omulyo gwoongalo dhoKwaito pomuthika gwopombanda.

LEAVE A REPLY

Please enter your comment!
Please enter your name here