Ofabilika yokuhondja yopashiwana, oili pokumanifwa moKaiti

0
33

TUULIKKI ABRAHAM

Keetmanshoop – Kansela woshikandjohoololwa sha Keetmanshoop modoolopa Hilma Nicanor okwa ti ofabilika yopashiwana yokuhondja oyo ya kala ye lipyakidilwa nokutungwa moKaiti, oya manifwa na, okwa teelelwa ashike omashina okuhondja noilongifo aishe ika le ya fika, opo oilonga i hovele.

Nicanor okwa tumbula a ti okwa teelelwa ofabilika yokuhondja tai ka yandja oilonga unene tuu kovakainhu nokovanyasha vo moKaiti. Mofabilika yokuhondja omwa fanekwa tamu ka kala nokuhondjwa oikutu yoilonga, oikutu yofikola oshoyo ee track shuta. Okwa fanekwa ovanhu vefike pefele limwe tava ka kala va mona oilonga tai kalele mofabilika ei.

Kakele kofabilika yokuhondja oikutu, ofabilika yokuhondja oipundi, nayo oya manifwa okutunga, nayo omashina ashike a teelelwa, opo oilonga i hovele. Kansela Nicanor, okwa holola ehafo, eshi eefabilika adishe edi dopavali, a tala kutya otadi ka yandja oilonga komwaalu munene wovakalimo moKaiti.

Nicanor okwa popya edi meenghundafana na Kundana, kombinga yomahumokomesho, moshikandjohoololwa shaye, na nghene va kendabala oku eta omayakulo popepi noshiwana moshikandjo shaye.

Okwa tumbula yo kutya eembelewa dihapu depangelo otadi monika tadi yandje omayakulo moKaiti. Tati omatala okulandifila ovakwashiwana, nao okwa tungwa nale moKaiti, nokuli moilonga paife oule weedula nhatu.

Nicanor okwa tumbula kutya okwa hafela oilonga oyo ya longwa po paife moKaiti, kombinga yo projeka yopashiwana yokumhuna eeshi, oyo ya totwa nale moKaiti modula 2006, noya kala ashike ina eendamha dili 6 domalolelo.

Okwa tumbula kutya eendama edi oda hapupalekwa, nopaife odili 18 da longwa lela pashinanena. Oprojeka yokumhuna eeshi nayo okwa teelelwa tai ka patuluka meni lefimbo lixupi okudja eshi ya kala ye lipyakidilwa nayo nokuwedelwa eendama dopashinanena.

LEAVE A REPLY

Please enter your comment!
Please enter your name here