Oongonyo dhaKanambunga dha hokitha Toivo obokisa

0
68

SHIPI ELAGO

Kundana ote ku etele gumwe gwomaadhani aakulu Josua Toivo ngoka ngashiingeyi eli omunashipundi guudhano woongonyo mOshana na okuli omulongisikola keyithano.

Moonkundathana na Kundana Josua omvalele yomoArandis okwa holola nkene a li a tameke okudhana okatanga kokoompadhi mosipana yoArandis Primary School okuza pomimvo dho 1980, moka a li a dhana pamwe naadhani ngaashi, Erick Kemanya, Ace Komeya, Ekandjo Kandas nosho tuu.

“Nando pethimbo mpeyaka otundji moArandis otwa li twa nwethwamo komumbokisi Abiud Kanambunga ngoka a li enyakwa lyaSouth West Afrika pethimbo lyuukoloni. Osikola yetu poArandis kaya li ya pitika uudhano wombokisa oshoka opwa li pu na uutile kutya otawu ka eta omakuyunguto nomalugodhi mokati kaanasikola onkene ombokisa kaya li ya pitikwa. Omolwashika otundji otwa li ashike tu na okudhana okatanga kokoompadhi nando yamwe otwali tu na ohokwe yoku dhana ombokisa,” Josua Toivo ta ti.

Ashike Josua okwa ti nando osikola kaya li yi na uudhano wombokisa, ye nooyakwawo yalwe oya li ya joina oshiputudhilo shomubokisi omukulu gwaRossing Uranium South West Africa/Namibia Abiud Kanambunga ngoka a li a tseyika nawa pomathimbo ngeyaka moka ya li ha ya dheulilwa ombokisa.

Po Arandis Primary School Toivo okwa kala po ashike okuza pomimvo dho 1980 sigo 1984 nokonima okwa lundulukile kOwambo nale hoka a li a hiti osikola posikola Iihenda Combined School 1985-1989, na okwa ka tsikila kosekundoskola yIipumbu hoka a li a manene omatrika ge momumvo 1993 .

“Iipumbu okwa li a pendje ompito opo ndi vule okukutha ombinga muudhano mboka ndi hole onda li nda kalele po osikola ndjika momathigathano ogendji,” Toivo ta ti.

Josua ta tsikileko ta ti “mosekundosikola yIipumbu otwa li twa dheulwa kaaBokisi aakulu ngaashi Fourie Kakongo,tate Hiskia Shigwedha, natate Joe Archer na onda li nda ningi enyakwa lyo shiviha sho Junior Bantam Weight momumvo 1991”.

Mo 1994 onda li nda kanitha uudhano woSenior Feather Weight Semi final muudhano wopashigwana mboka wa li koWalvis Bay na onda li nda hulitha po okudhana uudhano mbuka nokujoina ewilikongundu lyuudhano wobokisa koNooli okuza mo 1996 omanga nda li ta ndi ilongele onkatu yuulongisikola mOngwediva College na onda li amushanga gwehangano lyombokisa kohi ya tate Hiskia Shigwedha na tate Mathew Ndeshitila.

Toivo oku uvite kutya oshindji osha pumbwa okuningwa po, opo uudhano wu humithwe komeho oshoka oshilongo shetu osha yambekwa naabokisi aawanawa noyena uunongo.

Toivo okwa li wo omudhanitanga mosipana yo Fairways Stars okuza mo 1989-2001 na okwa li wo a dheula osipana ndjika noku yi fala koliha yo First Division mo 2003.

LEAVE A REPLY

Please enter your comment!
Please enter your name here