Ya Toivo ependafule lyoshigwana

0
196
WINDHOEK, 24 February 2015 - Former Robben Island Political Prisoner and icon of the liberation struggle of Namibia Andimba Toivo ya Toivo delivers a message of condolences on behalf of the living Robben Island Political prisoners during the memorial service of Hitjevi Gerson Veii in Parliament's Gardens. Veii, 6, died in the Katutura Mediate Hospital on the 14th of February 2015. He is to be buried at Heroes Acre on 25 February 2015. (Photo by: Joseph Nekaya) NAMPA

ALVINE KAPITAKO/ALBERTINA NAKALE

Windhoek – Omuperesidente Hage Geingob okwa tseyitha oshiwike shika kutya nakusa Herman Andimba Toivo ya Toivo oye ependa lyoshigwana.

Omutse gwoshilongo ogwa utha wo ishewe kutya onkwatwa nale ndjika yokOntuntu ya Robben ota yi ningilwa efumviko lyopapangelo.
Ya Toivo ngoka a li Ominista miimpungu shOomina nIikwankondo, Aaniilonga osho wo Oondholongo pokati komumvo 1990 sigo 2006 okwa manene oondjenda dhe mEtitano lya yi moVenduka.

“Ngaashi shi li omukalondjigilile etseyitho ndika otali ti wo kutya ependa ndika otali ka fumvikwa pomayendo gOmapenda nenge Heroes Acre moVenduka mOlyomakaya yomasiku 24 Juni nuumvo.

Onkene Omuperesidente okwa utha kutya omapandela agehe goshilongo ga tsilikwe etatakati lyoshiti okuza mEtitatu lyomasiku 21 Juni 2017 sigo Olyomakaya yomasiku 24 Juni 2017 ndyoka olyo esiku lyopambelewa lyefumviko lyopapangelo” osho omupopiliko gwombelewa yOmuperesidente Albertus Aochamub a tseyitha oshiwike shika.

Omasiku ngoka ogo wo omasiku goosa pambelewa osho ishewe a kokele.
Ependa Ya Toivo ota ka fumvikwa Olyomakaya oshiwike tashiya. Nena omudhimba gwe oguli mOndangwa moka tamu ningilwa oshituthidhimbulutho she shotango pOseko yAndimba Toivo Ya Toivo mOluno noshigwana muumbangalantu otashi mono ompito okulaleka ependa lyawo ndika pethimbo ndyoka.

Ya Toivo okwa mana oondjenda Etitano lyayi, neso lye olya tseyithilwe kOmuperesidente Hage Geingob, sho a ti “Omunene mekondjelomanguluko lyaNamibia nependa lyoshigwana Hailwa Andimba Toivo Ya Toivo ke ko we”Okwe tu thigipo ongulohi ndjika yonena lwopotundi ontihamano komatango pegumbo lye moVenduka” Geingob osho a tseyitha.

“Pehala lyepangelo lyaNamibia otandi ulike oluhodhi lwetu koonakuthigwa po.. ekanitho lyawo inali ya guma oyo ayeke ihe oli uvitike wo nokutse ongoshilongo” osho Omuperesidente a ti. Onkundana ndjika sho ya piti,John Nauta, Omupopiliko gwOmukokoliperesidente Sam Nujoma okwa ti he yoshigwana ota ka tya sha poshituthidhimbuluko osho wo pefumviko.

Omupopiliko gwongundu tayi pangele moSouth Afrika, African National Congress, Zizi Kodwa okwa ti ongundu ye oya taamba onkundana ndjika noluhodhi olunene kombinga yeso lya Ya Toivo. ANC okwa ti Ya Toivo okuume omwiinekelwa gwaantu yaSouth Afrika,
omukondjelimanguluko, ependa nomunene gwiita yeithikameno lyaaNamibia. ‘Omulumentu gomakankameno ga kola neitaalo ihaali tenguka. Hailwa Ya Toivo okwa gandjele onkalamwenyo ye mekondjo okukondjitha okuthindilwa kongudhi kepangelo lyokakombo noludhi lyaSouth Africa. Okwa li wo a tindi oompangela dhepangelo olyo tuu ndyoka okukuthako Namibia a ninge oshitopolwa oshitano shaSouth Afrika” osho omushangwa gwoANC gwa popi.Ogwa tsikile gwa ti ‘South Afrika okwa kanitha kuume koshili mu Hailwa Toivo Ya Toivo na otatu tumu omahekeleko getu taga zi komutima kehangano emwameme Swapo, kaantu yaNamibia nokefamili lya Hailwa Ya Toivo omolweso lye. Hailwa Toivo okwa thiga po ondjokonona yoshitopolwa shetu itaa yi dhimipo. Shetu oku mu holela mokulonga ngaashi ye oku adha ondjodhi yokumangulula aathiminikwa muuyuni osho wo okukaleka po ombili menenevi lyetu” osho ANC ya hekeleke.

Ehangano lya Nelson Mandela Foundation nalyo olya ti okupitila momuwiliki gwalyo,Sello Hatang kutya nakusa Mandela ngoka a li omunandholongo pamwe naYa Toivo okwe mu hokolola ongo omukondjelimanguluko ihaa tonyala, ngoka a li a tokola okukondjela emanguluko lyaantu ye moNamibia.

Omatumwalaka gomahekeleko oga zi wo pondje palwe muuyuni osho wo meni lyoshilongo.Omuperesidende nale Hifikepunje Pohamba sho a popi pohungi moshigumbo shaYa Toivo Omaandaha oshiwike shika okwa ti nakusa Ya Toivo okwa li omunene nosho wo ependafule menenevi ndika.”Kungame oye ependa lyaaSouth Afrika. Andimba Toivo Ya Toivo oye ependa lyenenevi Afrika. Ye ependa lyuuyuni’ osho Pohamba a popi moshipopiwa tashi gumu omitima kombinga ya nakusa Ya Toivo.

Omanga Omuperesidente gwo Rally for Democracy and Progress Jeremia Nambinga sho a popi kombinga ya Ya Toivo ongulohi yOmaandaha oyo tuu ndjoka poshigumbo okwa ti ota dhimbulukwa sho ependa ndika lya li lya tindi okuza mo mondholongo olyo alike, sho lya lombwele oonakuli edhilila kutya lyo otali zimo mondholongo ashike ngele aaNamibia ayehe mboka ye li mo nayo otaya mangululwa.’
Onda li nda kumwa keitulomo lye nonda dhiladhila kutya otashi vulika shika shi li mombinzi ye” Nambinga okwa fatulula shika a ti esiku limwe oya tsakanene na yina ya Ya Toivo ngoka a li emu pula opo a lombwele Ya Toivo kutya oshilongo kasha li natango sha manguluka onkene na tsikile niilonga yekondjelomanguluko.

Omalaka gomahekeleko oga tsikile oku tuminwa efamili lya nakusa Ya Toivo osho wo epangelo lya Namibia nongundu yoSwapo. Nakusa Ya Toivo oye gumwe gwaapalindjila yekondjelomanguluko lyaNamibia. Omutoti po gwongundu ndjoka konima ya ka tseyika noku ithanwa SWAPO.Okwa valelwa momukunda Omangundu ngashingeyi guli moshikandjohogololo Onyaanya moshitopolwa Oshikoto.Okwa kala momwenyo gwokombanda yevi omimvo 92.

LEAVE A REPLY

Please enter your comment!
Please enter your name here