Yandja ohonde, yandja omwenyo

0
36

Komutoolinghundana

WINHOEK – Keshe omudo omafiku omulongo 14 Juni ehangano loundjolowele mounyuni ohali dimbuluka efimano lefiku leyandjo lohonde , Namibia naye oha dimbuluka efiku eli. Ouyelele ou owa yandjwa kundokotola Bjorn von Fickenstein omuwiliki wehangano loNamBTS pedimbuluko lefiku eli moVenduka oshivike eshi.

Von Fickenstein ta tumbula oshipalanyolo shomudo 2017; “Oto ningi po shike? Yandja ohonde, paife ilo kala alushe nokuyandja ohonde”. Ta weda po kutya, ohonde oya pumbiwa kovanaudu va tandwa, ovakainhu va eta ounona, kounona va dalwa inava kola ilo va dalwa va shunga ovanhu va dja moiponga yomatuwa ilo va tuwa ilo ovanaudu vomalaria.

Omunaundjolowele okwa weda po kutya, efiku ohali dimbulukiwa kuyandjwe olupandu kova yandjihonde oshali kovanaudu.
Okwa yelifa kutya keshe omwedi ehangano ohali ongele eeunit dohonde 3 000 yeelitera 1350 koipangelo moshilongo.
OvaNamibia omayovi 17 ohava yandje ohonde notaku pumbiwa ovayandji vohonde omayovi 20 omwedi keshe.
Ngee oya pupo ehangano ohali ifana oilyo oiyandjihonde i kwafe meendelelo.

Omundokotola Fickenstein okwa weda po kutya, keshe omunhu a wanifa eedula 16 -65 e na oshiviga sheekilograma 50 okwa wana kuyandja ohonde yee mililita 450 konima yomafiku 56, nomuyandjihonde keshe oku na kukala a lya oikulya i na oitungifi konima yeetundi nhatu opo a yandje ohonde. Ohonde ohai tukulwa moitukulwa ngaashi oitungi lutu itilyana hai yandjwa kovanaudu vomalaria, oitungilutu itoka hayi yandwa kwaavo va tandwa hava pumbwa oplasma onghee ohai yandjwa komunaudu she likwatelela komukifi.

Omunaundjolowele okwa fatulula kutya, ehangano loundjolowele mounyuni ola yelifa yo kutya, mounyuni aushe eemwenyo dovanhu eemiliyona dihapu keshe dula ohadi pumbwa ekwafo lohonde meendelelo, eemiliyuna 250 oda piyaanekwa komaupyakadi wopashito omafundja, ekakamo ledu, oikungulu ha yeeta oiponga.

Von Fickenstein okwa twa omukumo aveshe ve na oundjolowele ve li pepipi lokuyandja ohonde ve liyambe okuyandja ohonde. Edimbuluko lefiku lokuyandja ohonde ola tulwa po okutwa oshiwana omukumo nokupandula ovayandji vohonnde ovaNamibia omayovi mahapu eshi ve liyamba mokuxupifa eemwenyo daavo vali momhumbwe.

Ava va yandja ohonde moshivike shedimbuluko lefimano lefiku leyandjo lohonde, ova pewa omaano mawa.

LEAVE A REPLY

Please enter your comment!
Please enter your name here