AaNamibia otaya ka dhana esiku lyoongalo muuyuni

0
26

PINEHAS NAKAZIKO

Nuumvo, aahikingalo naaNamibia ayehe otaya ka kutha ombinga mesiku lyoongalo muuyuni, ndyoka ta li ka dhanenwa mOshakati, Rundu no moVenduka, Olyomakaya ndjika.

Oshituthi shika hashi longekidhwa kehangano lyoFranco lyuunkulungu moshilongo (FNCC) mekwathelo lyombaanga yaVenduka naTotal Namibia, otashi kala oshi-22 nuumvo.

Ngaashi naanaa shi li omukalondjigilile, omainyanyudho ngaka ota ga ka ningwa oshali, nota pa ka ulikwa omaludhi goongalo dha yoolokathana ngaashi ojazz, soul, funk, rock, electro noreggae.

Aalongekidhi okuza ko FNCC oya ti shika oshituthi shoka hashi kongolola aantu okuza koombinga adhihe dhoshilongo, nonando oya za komihoko dha yoolokathana.

Oshituthi ohashi kala sha longekidhwa opo oofamili dhi gongale pamwe dho dhi nyanyudhwe komaludhi goongalo dha yoolokathana.
MoVenduka oshiindingili shika otashi ka dhanenwa po Palm Tree Park, mpoka tapu kakala puna ootenda dhokulanditha iikulya niikunwa.
Aahikingalo mboka taya ka kutha ombinga ongaashi The Fate of Miss H, Savannah Afros, Tschuku Tschuku, Ann Singer, Monique English, Formula Band, Meta and Shiva Child, Nova, Omidi d’Afrique naJeff A.D, mwakwatelwa aahikingalo oyendji aashona.

LEAVE A REPLY

Please enter your comment!
Please enter your name here