Efiku leenhauki mounyuni la dimbulukiwa

0
201

Komutoolinghundana

OSIRE – Oiwanayahangana oya ufa efiku leenhauki li dimbulukiwe keshe odula June 20. Mo Namibia efiku leenhauki ola dimbulukilwa pokamba yeenhauki pOsire moshitukulwa Otjozondjupa.Ehokololo kombinga yefiku eli ola yandjwa kukomufala weenhauki Likus Valombola.

Paendjovo daValombola Oiwana yahangana nehangano loukumwe waAfrica AU ova tula po outendo va popila eameno leenhauki oko tadi taukile. MoNamibia omu na ongudu yeenhauki 6820 da tauka koilongo yado omolwa omatomhelo a yooloka ngaashi omatomhelo opapolitikika, ilo tadi faduka po oita ya tukuka moilongo yado. Eenhauki oda hokwa moNamibia omolwa ombili nengungumano yoshilongo.

Otema yoneudo “Otu li pamwe neenhauki”. Valombola ta twikile ko kutya, eenhauki dihapu oda tauka moilongo ngaashi Democratic
Republic of the Congo DRC, oko kuna vali ongudu yeenhauki omayovi 11 ya fikama peengaba daDRC naAngola omolwa omakuyunguto a tukuka moshilongo. Dimwe domeenhauki da idililwa moNamibia oda tauka moilongo ngaashi Cameroen, Algeria, Ethiopia nadimwe da dja koSudan nokoAngola. Paife moNamibia omu na ongudu yeenhauki daAngola 741 da idililwa mongudu yeenhauki dikwao di dule 3000 di li mokamba yaSire. Omwaalu weenhauki daAngola owa ninipila eshi eenhauki dihapu daAngola da li di fike pomayovo 20 000 da shangwa meshango lotete 2013 dihapu domudo ode liyamba kufindikilwa keumbo. Noneudo eshi kwa dididlikwa eenhauki daAngola di li moNamibia ongudu yeenhauki di fike 100 oda ninga eindio okukala moNamibia.

Omunambelewaa wombelewa yeenhauki okwa weda po kutya, eshi ombelewa yeenhauki koiwanahangano ihe mo vali moNamibia, epangelo laNamibia nalo ohali yambidida eenhauki pamikalo ngaashi okudi pa oilonga moikandjolonga ya yooloka ilo momahangano opaumwene. Omunambelewa omukulunhu wombelewa yeenhauki moNamibia okwa ti otema yoneudo otai tu oshiwana omukumo tu kale pamwe neenhauki nombili opo tu twikile komesho mokukala nado ngaashi naanaa ovaNamibia va li va pewa ohole pefimbo va li va idililwa koilongo imwe pefimbo va li moupongekwa. Mokudimbulukwa efiku leenhauki, oshiwana osha kumikwa okutala eenhauki ongovanhu vakwetu ndele haku va ningila okayova ngaashi vamwe koilongo yavo tava taataa eenhauki. Ovanambelewa mepangelo noikondo yopaumwene ova li pedimbuluko.

LEAVE A REPLY

Please enter your comment!
Please enter your name here