Efiku lokaana okaAfrika moLüderitz

0
42

TUULIKKI ABRAHAM

Lüderitz – Mefiku lokaana okaAfrica moLüderitz, ovanafikola inava dula okuongala ponhele imwe opo ve li dimbuluke, ndele keshe vamwe meefikola adishe depangelo dili nhatu, ova unganeka, omukalo wavo, po fikola yavo.

Kundana okwa li a mona omhito okukala poLüderitz Junior Secondary School opo ovanafikola novalongi va dimbuluka efiku olo mEtitano la dja ko. Oshiindingili oshali molupale lofikola, omo ovanafikola, novahongi vali va ongala noku tyapula efiku eli.

Ovanafikola ova li tava ulike ehafo, mokudimbuluka efiku lokaana okaAfrika. Omanga nokuli edimbuluko lefiku inaa li hovela pambelewa, Omukulunhufikola poLüderitz Junior Primary School Bessly Makaula, okwa pula aveshe ovo va ongala, veli mwenenene okafimbo, nokudimbuluka ependafule Herman Andimba Toivo ya Toivo.

Makaula ta tumbula kutya, efiku ngaashi eli lokanona okaAfrika, ola holoka po, omolwa omapendafule, oo a teya po ekuma loukoloni, ngaashi oo Ya Toivo, nooHector Petersen oo a yandja omwenyo waye opo ounona muAfrika u kale wu na oufemba wokulongwa ofikola melaka olo wa hala.

Ovanafikola, ova dimbuluka efiku, omo vahapu, va holola omaunyakwa avo.
Vamwe otava teve oitevo oshambula, vamwe otava imbi omaimbilo, noiketala, nouhumba, vamwe otaandanisha, na vamwe otava dana oyiimbo yopamifyuululwakalo.

Kansela woshikandjohoololwa sha !Nami#nus Jan Scholtz, oye a lesha oshipopiwa sha Minista wOukakwashike kookanhu, Doreen Sioka. Pefimbo olo tuu olo, Scholtz, okwa shiivifa kutya, ope na ehangano limwe moLüderitz, la yandja ooN$50 000, odo tadi topolelwa eefikola adishe nhano depangelo modoolopa.

Scholtz ta tumbula kutya oshimaliwa eshi otashi ka yandjwa pambelewa momwedi ou, omo ofikola keshe tai pewa N$10 000, opo ikwafele moprograma yokuteleka oikulya peefikola modoolopa eyi.

LEAVE A REPLY

Please enter your comment!
Please enter your name here