Omukainhu a xupa medipao

0
2060

OMUTOOLINGHUNDANA

Omulumenhu weedula 47, okwa holoka momhangulilo yaMangestalata mOndangwa ta pangulilwa onghendabala yedipao koshi yokatendo komahepekafano omomaumbo eshi a mbofaula omukainhu ali waye neembele. Otaku hokolwa Bernard Johannes Kandume a twa neembele omukainhu munini kuye needula 19, oo vali nale vena naye ekwatafano lopaihole novena okaana keedula hamano. Omulumenhu ou noshihakanwa shaye shedina Maria Ndilimani a dile komukunda Iiputu pOnanghali, vati ovali poukamba, eshi va tameka oku tanguna. Kandume vati okwa pweya mo ombele yOkapi, nokutwa Ndilimani oikando aishe itano momutwe, mombuda nomepepe lokolumosho.
Ndilimani okwa kwatelwa meembete moshipangelo shaNandjokwe, a li e li monghalo ii.

Oshiningwanima eshi osha ningilwa poukamba vedina Uuhama moshitukulwa shaNankali Olomakaya la dja ko.

Elidipao
MOlomakaya omo tuu omo, Opolifi mOshikoto oya lopotelwa oshiningwanima shelikufomwenyo eshi omulumenhu wedina Gideon Mwashekele (33) eli mangeleka.

Otaku hohokololwa Mwashekele e li tuwa a endjelela momuti uli mekove lomeumbo omo hamu di kaume kaye kopaihole.
Opolifi yaShikoto oya hokolola kutya, ngonguloshi, Mwashekele nomukainhu ina tumbulwa ova li tava tanguna, nokuli nipaela eenyala. Konima ova tokola opo va xulife po ekwatafano lavo. Eshi a dja mo meumbo omo hamu di okakadona, vati Mwashekele okwa dja mo ngeno afa ta i keumbo ashike ongula inene yefiku la landula olutu laye ola hangwa la endjelela momuti komushiinda.

Oshiningwanima eshi osha ningilwa poKing Kauluma, opo Mwashekele ali ha longo. Ye mwene vati okwa dile komukunda Omutsegonime mOshitukulwa shaShikoto.

Ounona vati va kwata kakwao onghonga
Oumatyona vavali, kamwe okena eedula 16 nakakwawo keedula 13 ova holoka momhangulilo yaMangestalata waNdangwa onghela, tava pangulwa eshi vati va kwatwa keenghono okaana kokakadona keedula 14. Ouyelele wa yandjwa kuDeputy Commissioner Naomi Katjiua otau holola kamwe komoumatyona ovo vavali ka ufana okaana kokakadona vati keuye ka tambule emanya lako longodi olo kwali veka indila. Mokuuya ovafekelwa vati ova kwata okakadona nokuya nako moixulo koshiyomuti shihe li pahalo la ko. Oshiningwanima eshi osha ningwa mOmaandaxa oshivike eshi, nova fekelwa ova kwatwa po mEtivali. Ounona aveshe vatatu ovanafikola poUuyoka Combined School mOnayena.

Ovafekelwa noshihakanwa shavo aveshe itava dulu okutumbulwa shaashi aveshe ounona.
Katjiua okwa koleka oiningwanima aishe itatu

LEAVE A REPLY

Please enter your comment!
Please enter your name here