Oshituthi sho FNB shomalovu omalulu omuJuli

0
56

PINEHAS NAKAZIKO

Ehangano lyombaanga yotango yopashigwana (FNB), olya tseyitha oshituthi shalyo shotango moshilongo shomalovu omalulu.
Oshituthi shika otashi ka kalako uule womasiku gaali, nokwa tengenekwa tashi ka kala sha dhenga mbanda. .Otashi ningwa okuza momasiku 14-15 gaJuli poWindhoek Country Club. Oyendji otaya ka nyanyukwa nokulola omalovu omalulu ngoka inaa ya nwa nale mwakwatelwa ooshampeina dha dhungwa nawa. Omalovu gamwe ngoka omalulu taga ka ulikwa ongaashi Jack Daniels, Chivas Regal, Jameson, no Johnny Walker. Ota pu ka kala ishewe ondunda ndjoka tayi ka landitha omalovu goAmarula.

Aalongekidhi oya ti shika oshituthi tashi ka kala sha longekidhwa nawa, opo aayenda ya vule, okulola omalovu ga yoolokathana.
Dixon Norval okuza koFNB okwa ti elalakano lyoshituthi okutota po onkatu ombwaanawa moka aaholi yomalovu omalulu moshilongo taya ka kala ya kutha ombinga melolo lyomalovu ngaka. “Otuna einekelo kutya otatu ka hila engathithi enene, okuza mepipi lyopokati, osho woo aakuluntu.” Okwa gwedha po ta ti, ookume kawo mokudhunga omalovu ngaka omalulu oya nyanyukilwa oshiindingili shika, oku ulika gamwe gomomalovu gawo omawanawa.

FNB okwa tseyitha kutya ye ota ka gandja sha oshali, nota ka indila mboka taya ka holoka opo ya ka kale ishewe ya gandja shaashoka ye na ongomagano. Pethimbo oshituthi shika shali sha tseyithwa moVenduka oshiwike sha yi, aayenda oyali yu ulikilwa omaludhi gamwe gomalovu omalulu ta ga ka kala ko. Oyali ishewe ya lolithwa, noku ulikilwa nkene haga dhungwa.

LEAVE A REPLY

Please enter your comment!
Please enter your name here