Ouministeli wEhongo tau yandje ouyelele kombinga yoHIV/AIDS

0
162

TUULIKKI ABRAHAM

Lüderitz – Omupeduwiliki moshikondo hashi ungaunga nomukifi woHIV/AIDS okwa ti okwa didilikwa ovalongifikola vamwe iha va longifa omhito yokulonga oshilongwa sho Life Skills nelitulemo

Julius Nghifikwa, okwa popya edi fimbo a li mosheendo shoikonga yoku udifako ovahongi, ovanyasha , novanambelewa kombinga yomaihumbato nomikalo do ku li amena komukifi ou.

Nghifikwa okwa kala omafiku aa koshitukulwa sha//Karas ta yandje ouyelele kombinga yoHIV/AIDS opo ovanyasha va angale oku kwatwa kuwo oshoyo va mone owino ya nghene ta ve li amene vaa ha kwatwe.

Okwa indila ovalongifikola va longe noudiinini oshilongwa osho, shoLife Skills, molwa sho ngeenge eshi osha yandjwa nelitulemo, nena ovalongwa otava ka kala nokumona omauyelele taa pumbiwa, unene tuu ngeenge tashi ya, kombinga yanghene vena okulihumbata, no va angale opo va ha kwatwe kombuto yo HIV/AIDS. Oshilongwa eshi otashi va pe yo, owino muhapu nghene tava dulu okuyanda noku keelela yo omateelelo mokati kavo. Pefimbo loyoongalele yomauyelele ei ya ningilwa moKaiti, Karasburg, no sho yo moLindili, okwa ningwa omafaneko, kwaavo vali vakufa ombinga moyooongalele yatya ngaha.

Amwe omomafaneko a ningwa okwa faneka, opo pa tulwe omilandu, odo tadi dulu okunghonopeka, oCACOC, nelalakano opo oikonga yoku udifa ko ovanafikola moitopolwa nomoikandjohoololwa, yaandjakanekwe. Oshikonga shomauyelele eshi osha longekidwa oku yandja omauyelele, a nghene ovanafikola oshoyo ovanyasha ovo va fiya po eefikola, vena okupukululwa, nokukumaidwa, opo va ha ninge oihakanwa yomukifi, woHIV/AIDS.

Peenhele adishe odo Nghifikwa a talalela po moshitopolwa sha//Karas, okwa shakena novakwateli komesho moikondo yayooloka, unene tuu mouMinisteli wehongo, omunisteli wOuhaku, ouministeli wOukakwashike kookanhu, ouminsteli wOvanyasha, ovaleli novanashipundi momalelofikola.

Nghifikwa okwa yandja yoo ouyele, nghene ovanafikola unene tuu ovo vena eedula okuhovela peedula 10, ndele fiyo ovo vena eedula 24, ovo naana va kumwa unene koshikonga eshi shokuyandja omapukululo kombinga yomukifi ou, oshoyo okuninga omateelelo mokati kovanafikola.

Meefikola Nghifikwa okwa denga omufindo opo, ovalongi fikola ovo vena oshinakuwanifwa shokulonga oshilongwa life skills, va longife omhito yoku yandja ouyele tau pumbiwa, kovanafikola.

LEAVE A REPLY

Please enter your comment!
Please enter your name here