Marco Fishing a yandja oshimaliwa komaudano

0
50

TUULIKKI ABRAHAM

Lüderitz – Ehangano lokuyula eeshi ledina Marco Fishing moLüderitz ola yandja eeN$10,000 kofikola yaTsai //Khaeb Secondary School ili mo Rosh Pinah moshitopolwa sha //Karas.Oshimaliwa osha yandjwa nelalakano opo ofikola ika lande oikutu yomaudano yofikola oyo. Omukulunhu fikola waTsai //Khaeb Secondary School Laimi Nanyemba oye a tambula ko otjeke yoshimaliwa eshi.

Mokutambulako omaano aa Nanyema okwa pandula unene ehangano loMarco Fishing eshi le vapa omaano oshimaliwa shifike opo, va dule okuka landa oikutu yomaudano ovanafikola. Nanyemba ta tumbula kutya eyandjo lomaano oleuya pefimbo liwa, opo ofikola Tsau //Khaeb Secondary School ya tofwamo opo pu ka kale oudano wo athletika weesekundofikola moshitopolwa okuhovela oshivike eshi.

Nanyemba okwa udaneka oimaliwa tai ka longa lela osho ya nhuninwa.Ofikola Tsau //Khaeb Secondary oya yeululilwe pehovelo lomudo wa dja ko. Oyi na okudja pondodo 8 fiyo ondodo 12, novalongwa veli 329 novalongi 17.Omaano okwa yandjwa moipafi yomutaleli shikandjo sho Namib Circuit Casius Shanyengange oo a pandula unene komaano aa a pewa ofikola yomoshikandjolongo shaye.

Ta tumbula kutya ekufombinga lehangano loMarco Fishing mokuyambidida omaudano mofikola, ota shi kwafele yoo opo veli tulemo mehongo, nota shi va amene yoo veli kaleke kokule noinima oyo taidulu okupiyaaneka elihongo lavo.Shanyengange okwa indila omahangano a kufeko oshiholelwa shiwa osho ehangano loMarco Fishing la ninga.

Omunashipundi wo Marco Fishing Charitable Trust Jan Scholtz s okwa tumbula kutya, ehangano lavo otali kendambala okushakeneka epangelo, moku yambidida oshiwana, osho shili yoo tashi endele pamwe nondunge faneko yo Harambee.

LEAVE A REPLY

Please enter your comment!
Please enter your name here