Oliha yomOshana ya thigi yamwe momalimbililo

0
103

SHIPI ELAGO

OSHAKATI-Oliha yaShana ndjoka ya kala ya fa okatana komiilya otayi fekelwa ta yi tameke ehulilsohiwike ndika nando yamwe oye li momalimbililo.

Pauyelele mboka twa mono po otaku hokololwa kutya ewiliko lyoliha ndjika ka lya li lya unganeka oshigongi shokomumvo shoka ha shi hogolola noku ninga omautho goliha omanga oliha inaa yi tameka.

Onkene yamwe otaya nyenyeta oshoka oye wete kutya oshinima shika oshe ya patella kondje na kashina uuyuki.
Ngoka ali moonkundathana naKundana ndele ina hala edhina lye liholoke moshifo okwa li a holola kutya oshigongi shika osha li shina okuhogolola omunashipundi gwoliha ndjika omupe ashike oku uvite kutya shika ota shi henukwa owala nomatompelo ge shiwike owala kwaamboka taya wilike oliha ndjika.

Okwa ti omunashipindi ngoka a yile pehala lyomupresitende gwoNFA paife Frans Mbidi oku li natango okwa keelela po pehala lyuunashipundi sigo oompaka na ina pu ningwa omahogololo okuza sho Frans Mbidi a li a thigi po uunashipundi.
Oonkambadhala dhoku mona omunashipundi ngoka a keelela pehala odha li dha adha okwena kwa hula.

Ashike pamwe onkalo ndjoka ya nyayika ta yi inyenge mokatanga kokoompadhi ngashiingeyi pamwe oyi li wo ya guma iikwa niipangitho oyo ya yi moshipala oshigongi shika.

Okatanga kokoompadhi oke li shili monkalo yanyayika moshilongo sho kuna ashike oomweedhi mbali Namibia a ka gwanithe omvula keena okatanga kokoompadhi, oshoka omumvo gwokatanga ogwa li gwa tameke mu Sptemba 2016.

LEAVE A REPLY

Please enter your comment!
Please enter your name here