Omakonaakono ocancer pa labola a fika moNooli

0
247

Komutoolinghundana

ONDANGWA –Mondangwa omwa yeululwa ongulu yokukonaakonena okankera nomikifi domaludi. Ovanaudu hava konaakonwa nova kala hava teelele oidjemo yomakonaakono omikifi da yooloka oule wefimbo lile, epulo lavo ola nyamukulwa kodalele yaNamibia omundokotola Albertina Mpingana Iitana.

Meenghundafana noshifo Kundana,Iitana okwa holola ohole nghee a didilika oshiwana hashi teelele oidjemo efimbo lile yomakonaakono omikifi da yooloka okudja koitukulwa aishe 14 yaNamibia hai ka ndubalala koWindhoek.Onghee mokwiilongela oshilonga eshi okwa fikama a patulule ongulu yomakonaakono, yomikifi da yooloka pOmwandi waKamanja mOndangwa noshidjemo ihashi kwata vali efimbo lile, novakali konooli otava dulu kulongifa eyakulo eli..

Opo ondokotola I mone oukwatya womukifi, osheetifi shao, nokumona kutya omukifi owa kula shi fike peni, ouyelele kwaashi otau kolekwa koshidjemo shekonaakono tali ningwa momashina omaludi mOndangwa. Ndokotola Itana okwa tofa mo amwe omakonaakono haa ningwa keendokotola opo di mone kutya omukifi washike wa kwata omunaudu. Ota ti omakonaakono omaludi ohaa ningwa pamaludi ku talike epango tali velula oludi lomukifi oo. Amwe omakonaakono haa ningilwa ovanaudu taa dulu ku konaakonwa penya ongaashi ekonaakono lomanghololo, ekufo lohonde, ekufo lomeva ngee medimo, meengolo, komapunga ilo komutima. Omakonaakono akwao ohaa kufa ohonde, onyata, osperm, omeva komapunga, medimo, meengolo, komutima, momwoongo a fatulule ouyahame. Amwe omokonaakono omikifi dimwe ohaa ka ningwa pondje yoshilongo onghee omhito oya pupalela Namibia paife mwaashi.

Kombinga yomakonaakono eekankera domaludi, limwe lomuo kukonaakona okanhumba koshitumba ilo ponhele pe na edidiliko tali limbilike, ile okukufa eeCelle pomulungu woshidalelo di ka konaakonwe. Ndokotola Itana okwa fatulula kutya, omakonaakono omikifi deenkankera domaludi otaa dulu kuningwa mOndangwa ihaa kwata efimbo komikifi tadi kwata efimbo okuninga taa ningwa omafiku avali fito atatu. Ekwafo ole ya popepi noshiwana eshi, onhele ei ya patuluka konima yeemwedi dinini

Itana okwa holola kutya, eekankera dimwe ohadi dulu kumonika mohonde ile meecell ohava konaakona yo ngaashi oTB, oudu woshipa pakulongifa omikalo adishe ngaashi ovanaudu va ufilwa omakonaakono keendokotola davo.

Ondokotola ei, oya indila ovanyasha ovaNamibia va djoine eifano loshinakuwanifwa shokukonaakona meendjuwo dokukonaakonena. Ndokotola Iitana okwa kumika aveshe ve na omauyahame va fike diva koipangelo va konaakonwe omanga inaku toka.

LEAVE A REPLY

Please enter your comment!
Please enter your name here