Ompumbwe yuupale otayi kateke uudhano woGirls & Goals

0
40

SHIPI ELAGO

ONGWEDIVA-Oliha yo Girls & Goals ndjoka ya li ya dhikwa mOshana koNFA nomaume ge, oyili ta yi mono omashongo omanene molwa ompumbwe yuupale ina wu gwanena moshitopolwa.

Oliha ndjoka ya li ya tengenekwa opo andola yi tameke petameko lyoshikako shotango ina yi vula we okutameka oshoka omahala goku dhanena otaga shongola.

Omukwatelikomeho gwendiki lyo Girls & Goals mOshana Agnus Elemu, okwa ti otaya longo nuudhiginini opo oliha ndjika yi tameke miitopolwa ayihe moka muna omandiki goliha ndjika. Ashike oya taalela omukundu gwomahala gokudhanena oshoka ngoka geli po olwindji ohaga kala ga kwatwako komaudhano galwe.

“Onkene oshinima shika oshadhigupalela ewiliko lyoliha ndjika ashike otandi gandja ekwashilipaleko kutya oliha ndjika oyina okudhanwa,”

Pauyelele mboka twa li twa mono po otawu ulike kutya oosipana dhomOngwediva odha li dha tameke etitatu lya zi ko, na okuna einekelo kutya Ondangwa nOshakati nayo otayi ka tameka kuyele oshiwike tu uka.

Kakele kuupale oosikola dhimwe ota dhi nana nondatu oshoka oshimaliwa nasho oshi li ta shi kanda omapunya, onkene oosikola dhimwe ita dhi ka kutha ombinga momaudhano ngaka.

Opoloyeka ndjika yokatanga kuukadhona ndjoka yishiwike nawa Girls & Goals oya li wo ya mono elago sho ya li ya taalelwa po oshiwike sha ziko ku gumwe gwomaakwashilipaleki ya yo UNICEF pokapale kaShakati mboka ya li ya kumwa nkene uunona wokoNooli wu li wa mona ontseyo muudhano mbuka.

Opolohalama ndjika oya li ya dhikwa lwotango moVenduka mo 2009 moka ngashingeyi yili ya guma konyala uunona wu li 19 000, nonuumvo uunona wu thike po 4000 owa tegelelwa wu ka kuthe ombinga moshilongo ashihe.

LEAVE A REPLY

Please enter your comment!
Please enter your name here