Oompangela dholiha yaaniilonga moNooli

0
45

SHIPI ELAGO

ONGWEDIVA-Ehangano lyuudhano woVolleyball moNooli otali ningi oompangela opo li tote po oliha yuudhano mbuka yomahangano moNooli.
Ndhika odha li dheya puuyelele oshiwike shika poshigongi shiikundaneki mOngwediva.

Mwita Sikopo ngoka eli omunashipundi guudhano mbuka moNooli okwa li a holola nkene ya hala omahangano ga tunge po oliha ndjoka tayi kala noku wilikwa kehangano lyo Volleyball moNooli. Okwa ti oya tengeneka ando opo omahangano ga kale haga dhana lumwe momweedhi mOshakati, Ongwediva, Ondangwa nosho wo Outapi. Okwa ti omahangano ogendji moshilandopangelo ohaga dhana oliha ndjika moVenduka onkene ethimbo olya thika opo wo omahangano gokoNooli ga kale haga dhana uudhano woludhi nduka. Sikopo okwa ti oya tengeneka andola opo oliha ndjika yi tameke omvula tu uka ashike okwa ti ngele omahangano oga tokola nena ota ya vulu wo okutameka nuumvo, nena yo kayena uudhigu oshoka osho ya hala.

Okwa ti oonkundathana odhi li natango metifa na otaya ka tseyithila iikundaneki kuyele kutya oliha otayi ka tameka uunake.
Kakele koliha omahangano ogendji moNooli oga tegelelwa opo ga ka dhane pokapale kaShakati ngula ndji ta yi pi ontaku muudhano wesiku limwe mboka wa unganekwa kehangano lyoFar North Volleyball Federation okukondjela okapandi 20 000 hoka ka gandjwa kuFNB.
Konyala oosipana 18 odha tegelelwa dhi ka kuthe ombinga moka mongundu ya A muna Osipana yaatoolinkundana,Indongo Toyota A Oshana Regional Council na DAPP. Ongundu ya B omuna Oshakati Teachers, Ondangwa Town Council, Bank Of Namibia na Old Mutual.
Ongundu ya C omuna Pupkewitz Toyota, FNB Ongwediva, Indongo Toyota B
FNB far North nOshakati FNB.

Mongundu ya D omuna Outapi FNB , Ondangwa FNB, Nedbank, Trustco na Pupkewitz Nissan. Oondjila adhihe ngula okOshanangombe ila wu tale nkene osipana yaatoolinkundana tayi tyakaleke oosipana oonkwawo.

LEAVE A REPLY

Please enter your comment!
Please enter your name here