Shune ni koitukulwa yeni

0
530
SAMSUNG CAMERA PICTURES

Komutoolinghundana

OPUWO –Otaku pulwa ongudu inene yovanyasha va dalelwa mekondjelomanguluko ve li keenhanda keenhele da yooloka. Omunambelewa woshikondo shomaudano, ovanyasha nomifyuululwakalo koshitukulwa shaKunene Natangwe Ndiliapa okwa ifana ovanyasha va dalelwa mekondjelomanguluko va onga eenhanda keenhele da yooloka ve uye koitukulwa oko va shangelwa omadina opo va monenwe oilonga kepangelo.

Ndiliapa okwa pula ovanyasha va tale ngee omadina avo okwa tulwa momisholondodo daavo tava ka ya komadeulo a shikula ko. Epangelo okupitila meembelewa doitukulwa otali ongele omadina aavo va dalelwa mekondjelomanguluko tava ka tameka omadeulo pehovelo lohani Juli pamhangela yepangelo.

Omunambelewa wombelewa yovanyasha okwa ti ovanyasha ota va pulwa va ye keenhele ok ova shangelwe molwashi, vamwe ovaka djoina vakwao va onga eenhanda oko tava pula epangelo li va pe oilonga, ongehne oshidjuu okumona omadina avo a shangelwe pehena omakwatafano oshinanena. Vamwe eenomola davo neendjukifi edi va yandjele pefimbo ve li shangifa hado vali hava longifa. Shikwawo membelewa dovanyasha moitukulwa yoshilongo omwa etwa elunduluko linene eshi da kwatakanifwa pakompiuta.

Ovanyasha ovo vehe na oilonga moshilongo va dalelwa mekondjelomanguluko ilo va dalelwa meni loshilongo, vehe na oilonga, nava kale hava talele po eembelewa dovanyasha moitukulwa yavo okupewa omauyelele mahapu nghene tava dulu okumona omayakulo va longikidilwa kepangelo.

Ndiliapa ta ti, ongudu yotete yovanyasha oya deulilwa poBerg Aukas, nongudu onhivali yaavo va, deulilwa koSimon Mutumba oda domenwa nale oilonga moikondo yepangelo nokomahangano opaumwene.

Aa omalalakano epangelo okukandula po oluhepo moshilongo paha fyaale nande ovamwe konima. Molwa omalunduluko momakwatafano kaku shiivike kutya vangapi vomounona va dalelwa mekondjelomanguluko inava mona oilonga natango.

Omunambelewa woshikondo shovanyasha ta tu ovo va dalelwa mekondjelomanguluko omukumo va ka talulule keembelewa doitukulwa yavo ngee omadina avo okwa tulikwa opo vaa ha xutwife omhito ya tya ngaha. Nota yelifa kutya, eyakulo loludi eli ola tulwa po kepangelo okutukula ovanyasha aveshe moitukulwa aishe yoshilongo 14.

LEAVE A REPLY

Please enter your comment!
Please enter your name here