Tuli na Msunday yi imbi pamwe

0
186

PINEHAS NAKAZIKO

Omuhikingalo omukiintu ngoka opo a holokele mehangano lyoongalo nokuli omvalele yokomunkulofuta moWalvis Bay, Tuli Halweendo oya uvathana nomuhikingalo onkulungu ngoka wo omukalimo mOmbaye gwedhina Msunday, opo ye ete po ongalo yawo ompe yedhina Classic Lady.
Tuli Halweendo oye okakadhona okanangeshefa, ka tamekele okwiimba oongalo dha ko muNovemba 2015. Tuli okwa ti oku hole okwiimba nokudaanisa, noongalo odho oshitalenti she noku na ohokwe mudho.

Omwedhi nguka okwali a pititha okangalo ke kotango pamwe nokaviidio kedhina Classic Lady, hoka a imba pamwe na Msunday, nota ka popi kombinga yaakiintu mboka yalelwa nawa noyena omikalo omiwanawa.

Tuli okwa ti ongalo otayi kumagidha aakadhona opo ya tameke oku ilongela omaliko gawo, yo, yi iyambidhidhe yo yene.
Ongalo ndjika yoHouse oya ningilwa omikwelengendjo kuPatrick gwo moWalvis Bay, no ya thaanekwa okavidio kehangano lyoSeaside Media Group oku za moSwakopmund kehala lyoNamwater.

Okwa gwedha po ta ti ndjika oyo ongalo tayi ka kala moalbuma ye yotango, nonando keshi kutya otayi piti uunake, oshoka natango ota longo nuudhiginini okwiimba omaimbilo gamwe omape.

Mongalo ndjika ompe, Tuli okwali a hogolola opo a imbe na Msunday oshoka oye omumati ena omikalo, nokwa kala mehangano lyokwi imba ethimbo ele, noku shi, shi hashi ningwa naashoka ihaa shi ningwa ngele tashi ya moongalo.

Kakele ashike kongalo ndjoka, aayimbi mbaka yaali oyi imba ishewe ongalo ngaashi Todengwa Konghalo, ndjoka tayi popi kombinga yaantu aananyalo okuziilila kuuninginino opo ya thikame yo ya mone oompito dhiilonga.

Tuli okwi imba ongalo ndjoka hayi dhanwa piituthi yomavalo yedhina Happy Birthday, no kwa ti otayi vulu okudhanwa piituthi ayihe.

LEAVE A REPLY

Please enter your comment!
Please enter your name here