Uusiku waZambezi wa yi koKatima

0
43

PINEHAS NAKAZIKO

Konima sho, oshiithanene shomainyanyudho shedhina uusiku waZambezi she endele nawa moVenduka petameko lyomwedhi nguka, omayinyanyudho ngaka otaga tsikile nolweetho olutiheyali, talu ka dhanenwa Olyomokaya ndjika poClub Ozila moKatima Mulilo.
Ngaashi naana omukalondjigilile, shika oshiindingili shimwe hashi etelele omainyanyudho omawanawa na otaga hokitha, unene tuu kaakalimo yomoshitopolwa sha Zambezi, mboka haya gongala opo yi inyanyudhe.

DJ Siya omulongekidhi gwoshituthi shika omunene okwa ti, shika osho oshiindingili oshinene noshi wanawa hashi ningwa moKatima Mulilo omumvo kehe.

Vuyo, Shanky Briz, Promise, DJ Siya, Kwito Lager, Belle Markosh, Aunty Catchy, DJ Munkankara na DJ Sima oyo ta ya ka ulika uunongo wawo, moku tula ko oongalo noku nyanyudha aahiywa koshiithanene shika.

DJ Siya, okwa ti aaholi yoongalo otaya ka nyanyudhwa noonkondo okuziilila kaahikingalo ya yoolokathana, oshoka nuumvo oya tula po omusholondondo gwaahikingalo mboka haya nyanyudha nawa unene. DJ Siya okwa gwedha po ta ti poshituthi shika ota pu ka kala omainyanyudho ogendji ngaashi okundaanisa, na ota pu ka sindanwa wo iimaliwa koomuma. Ongulohi ndjika otayi ka mona wo oongundu odhindji dhomithigululwakalo tadhi tsakanene nokutseyithwa.

“Otandi indile nokukumika kehe gumwe ngoka ehole oongalo dho shiNamibia opo a kale a holoka. Shika ka shi shi ashike oshituthi shaantu mboka ya za koshitopolwa shaZambezi, ashike osha kehe gumwe ngoka a hala eye iinyanyudhe ye a tokelwe pamwe,” DJ Siya ta ti.
Uutekete woshiindingili shika otau adhika koodola N$ 40 pomweelo. Nomainyanyudho otaga tameke potundi ontimilongo mbali ongulohi yOlyomakaya.

LEAVE A REPLY

Please enter your comment!
Please enter your name here