Eengonyo pokati kaIndongo naCrawford odopandjokonona

0
272

Omutoolinghundana

Ongwediva- Omanyala okudenga eengonyo okwa tululululwa, okapale okahoololwa nefiku Julius Indongo naTerrence Crawford tave keli pa dopomesho ola tokolwa.

Ou otau ka kala oudano wopandjokonona, eshi ovalumenhu ava vavali tava ka tula omapapa aeshe atano poshitaafula.
Oudano pokati ka Indongo na Crawford okwa tokoliwa opo uka kale ko momafiku 19 Aguste moshinyanga sha Pinnacle Bank moLincoln, Nebraska, osho shi li oshilando omo ha mu di Crawford moAmefica.

Oudano wa tula poshitaafula omapapa atano, owa pumba mo mondjokonona yobox, noshinima eshi ovadengingonyo va tula omapapa avo poshitaafula e fike opo oshe li xulwa oule womido 15 da pita po.

Vali, ondjokonona otai shi ulike kutya kapena nande omundengingonyo umwe a kalele nomapaya aeshe atano oshita.
Oscar De La Hoya oye omulumenhu wotete mondjokonana oku kala ena omapapa a ne oshita.

Onghene epulo ole li kutya, olyeye taka ninga ondjokonona moudano waadi dopomesho oku kala ena omapapa atano?
Indongo oye hano lye moudano weengonyo
Mongaha Indongo (34) okuna omapapa atatu, loWBA, IBF no IBO. Okwa dana omaudano aeshe kumwe 22, ina kanifa nande olwoodi limwe, nomaudano 11 omomalwoodi oo a lwa okwa findana eshi a denga ovakondjifi vaye imwe nopedu, hano o knock out.

Crawford olye?
Crawford oo eli omukwashiwana wAmerika, omunamido 29, oku na omapapa avali, loIBC no WBO moshivixa shondjudo ipu. Crawford okwa lwa omalwoodi 31, ina dengwa nande limwe, nomaudano 22 okwa denga imwe nopedu.

LEAVE A REPLY

Please enter your comment!
Please enter your name here