Eli dipaela monduda yomukainhu waye kwali

0
1425

OMUTOOLINGHUNDANA

Omulumenhu womido 36 moshitukulwa shaMuthiya okwa hangwa a fya monduda yomukainhu ali waye nale molwaashi vati a efiwa.
Otaku hokololwa Lazarus Nandjebo a nyengwa oku tambula ko kutya ekwatafano lopaihole leedula 17 olo a kala e na nomukainhu oo vena naye okaana komido heyali ola xula. Otaku hokololwa Nandjebo a li a ninga oule wodula aishe modolongo molwaasho kwali a denga omunhu inaa tumbulwa komukunda umwe ulili. Modolongo omo okwa mangululwa mo momafiku 8 Juni. Ashike konima ashike yoshivike shimwe eshi a dja mo modolongo, omukainhu oo ali waye okwa tokola opo a xulife po ekwatafano lavo lopaihole. Nandjebo eshi, okwa kala inaa hala oku shi tambula ko, naasho osha eta fiyo oponghatu yokuli kufa omwenyo. Omukainhu oo ali nale waNandjebo vati okwe li twa omudimba waNandjebo wa endjelela monduda yaye (youmukainhu) yokunangala ongula inene (lwopo 06h52) Etivali loshivike eshi. Ina fiya po omushangwa washa, ashike opolifi otai konaakona oshinima eshi.

Moshiningwanima shafaafana nashikwao, omukainhu weedula 20 Aini Stephanus wopOumbangalanhu wOshivelo, naye okwe li kufa omwenyo eshi e li mangelekela poshivelo sheumbo lakaume kaye kopaihole. Oshiningwanima eshi osha ningwa oufiku wOsoondanxa yoshivike eshi. Kape na naanaa ouyelele wa wana kutya omolwashike Stephanus eli dipaa komukalo watya ngaho.

Mefiku omo tuu omo, omulumenhu wedina Wilhelm Kafo Issaskary (23) womomukunda Omadhiya mOmuntele naye okwe li mangeleka. Otaku hokololwa olutu laKafo le li tuwa la endjelela momuti kuumwe womovakwanedimo laye. Ina fiya po okambapila taka holola kutya omolwashike eli dipaela.

LEAVE A REPLY

Please enter your comment!
Please enter your name here