Esiku lyobasketball olye endele nawa mOshana

0
45

SHIPI ELAGO

OSHAKATI-Ehangano lyoBasketball olya li lya longekidha esiku lyuudhano mbuka mOshana Olyomakaya ga zi ko mOngwediva nelalakano okupendula po uudhano woludhi nduka.

Konyala ongundu yuunona wu thike po 150 naakuluntu 50 oya li ya ende momapandaanda gaNgwediva ya yelutha omapalakata ta ga tanga uudhano woBasketball.

Esiku ndyoka lya li lya tyapulwa kohi yoshipalanyolo “Elongo nuukalinawa” olya li lya nana uunona okuza moosikola dhomOngwediva unene mboka wa kala hawu pewa omadhewo goBasketball oku za mu Febuluali nuumvo.

Omupresindente gwongongahangano yuudhano woBasketball koNooli Pondo Nailenge okwa li a holola nkene uudhano mbuka ta wu ende nokukoka miitopolwa yokoNooli unene tuu moodoolopa.

Nailenge okwa ti ngele uudhano mbuka owa silwa nawa oshimpwiyu nena otawu ka eta iiyimati oyindji monakuyiwa, na osho nee elalakano lyoku eta po esiku ndika opo ya hwahwameke iikonga yokuuvithako uunona uushona opo wu tameke okudhana oBasketball.
Okwa kumike aakuluntu opo ya ete uunona wawo kuudhano woBasketball wo wu kuthe ombinga muudhano mbuka.

Oosikola odhali dha dhana konyala uule wOlyomakaya ayihe mpoka pwa li puna iiti ta yi teka no lwahugunina Charles Anderson naHashiyana Primary School oya li ya yi kedhingoloko lyahugunina moka Paavo Shuundeni naMagalena Nangolo ya li ya kwathele Charles Anderson okusindana po ekopi ndika.

Esiku lyuudhano woBasketball mOshana olya li lya kwashilipalekwa kOld Mutual na Coca Cola, naPondo okwa li a uvaneke kutya esiku ndika otali kala aluhe hali dhimbulukwa mOshana kehe omumvo petameko lya Juli.

LEAVE A REPLY

Please enter your comment!
Please enter your name here